युबराज सुबेदी
स्याङ्जा ,२९ कार्तिक । स्याङ्जाको चापाकोट नगरपालिका वडा न. ८ मा मंगलवार रातिको करिब १०:३० बजे लु ६७ प ४०१७ नम्बरको मोटरसाइकल लमचौर जाने भित्री सडकमा आफै अनियंत्रित भइ पल्टिँदा स्याङ्जा चापकोट नगरपालिका २ बस्ने २३ बर्षिय सन्तोस थापा मगरको मृत्यु भएको छ।

गए राती १०: ३० बजे भएको सडक दुर्घटना पश्चात् घाइते थापालाइ चापकोट अस्पताल स्याङ्जामा लगिएको थियो। थापालाइ अनुहार र टाउकोमा गम्भीर चोट लागेको थियो।

थापाको उपचारका क्रममा रातिको १:१५ मा चापकोट अस्पताल मा मृत्यु भएको प्रहरी कार्यालय  स्याङ्जाका सूचना अधिकारी रबिन्द्र खनालले बताउनु भयो।

सन्तोष थापा गण्डकी प्रदेश र Apf Club बाट भलिबल खेल्ने खेलाडी समेत रहेका थिए ।