कल्पना भट्टराई
स्याङ्जा , १८ मङ्सिर । स्याङ्जा पुतलीबजार नगरपालिका वडा न २ दबिस्थान अरौदि खोलामा अबैध रुपमा गिट्टी वालुवा ओसार पसार गर्ने जेसि बि र ट्याक्टरलाई प्रहरीले नियन्त्रणमा लिएको छ ।
गिट्टी वालुवा ओसार पसारमा सङ्लग्न ग १ क ६१८७ नम्बरको जे सि बि र लु ४ त १४२२ नम्बरको ट्याक्टरलाई नियन्त्रणमा लिएको जिल्ला प्रहरी कार्यालय स्याङ्जाका सुचना अधिकारी इन्द्रबहादुर रानाले जानकारी दिनुभयो ।
आइतबार जेसिबि र ट्याक्टरलाई नियन्त्रणमा लिई थप कारवाहिको लागि आज पुतलीबजार नगरपालिका कार्यालय स्याङ्जा पठाइएको प्रहरीले जनाएको छ ।
