संगम भण्डारी ,सुष्मा अर्याल, करुणा अधिकारी
स्याङ्जा ,२ भदौ । स्याङ्जाको गल्याङ नगरपालिका ३ मुड्किलामा रेड पिपर पार्टी प्यालेसद्वारा आयोजित गल्याङ नगरस्तरीय तीज गीत प्रतियोगितामा सामुदायिक आमा समूहले प्रथम स्थान हासिल गरेको छ।
उक्त प्रतियोगितामा सामुदायिक महिला समूह गल्याङ नगरपालिका ४ ले प्रथम स्थान हासिल गरेको छ भने फेर्च नमखान महिला समूह भाटि ११ ले दोस्रो स्थान हासिल गरेको छ । गल्याङ नगरपालिका ३ आदिखोला आमा समूहले तृतीय स्थान हासिल गरेको छ। सोही प्रतियोगितामा १२ समूहको सहभागिता रहेको थियो।
उक्त कार्यक्रमका प्रमुख अतिथि गल्याङ नगर प्रमुख गुरुप्रसाद भट्टराईले अहिलेको यो आर्थिक मन्दीका बीचमा यहाँहरूको आवश्यकतालाई मध्यनजर गर्दै यो पार्टी प्यालेसको रुपमा सञ्चालन गर्ने यहाँहरूले जुन निर्णय गर्नुभयो यहाँहरूको क्षमता र अगुवाइका निमित्त म आभारी छु।
उहाँले भन्नुभयो,”अब तीज आउन २१ दिन बाँकी हुँदा गल्याङ क्षेत्रमा तीज गीतको पहिलो प्रतियोगिता कार्यक्रम सुरु भएको छ।” यो कार्यक्रमले विभिन्न महिला दिदीबहिनीहरूलाई अवसर समेत प्रदान गरेको उहाँले बताउनुभयो। उहाँले सम्पूर्ण दिदीबहिनी र गल्याङ बासीलाई हरितालिका तीजको शुभकामना समेत दिनुभयो।
उक्त कार्यक्रममा प्रमुख अतिथि गल्याङ नगर प्रमुख गुरुप्रसाद भट्टराई , त्यसै वडाका वडाध्यक्ष कृष्णप्रसाद भट्टराई लगायतको उपस्थिति रहेको थियो।
