युबराज सुबेदी
स्याङ्जा,२८ भदौ । वालिङ नगरपालिका वाड न .१३ तारुखोला निवासी विष्णु प्रसाद पाठक , बबिता पाठकको छोरा बबिन पाठकले आफ्नो २० औं जन्मदिनको अवसरमा बिहिवार शैक्षिक सामाग्री वितरण गर्नुभएको थियो। उहाँले वालिङ ११ गव्दे स्थित बाल शिक्षा निकेतन आधारभुत विद्यालय मा कक्षा शिशु,१ र २ मा अध्यनरत २८ जना विद्यार्थीलाई शैक्षिक सामाग्री वितरण गर्नुभएको हो।
उहाँले प्रत्येक विद्यार्थीलाई चाहिने स्टेसनरी सामाग्री वितरण गर्नुभएको थियो। कार्यक्रममा वालिङ्ग ११ का वार्ड अध्यक्ष डन्डपानी पङ्गेनीले आफ्नो जन्मदिनमा फजुल खर्च नगरी विद्यार्थी हरुलाइ शैक्षिक सामाग्री प्रदान गरेर आफ्नो जन्मदिन मनाएको मा खुसी व्यक्त गर्दै थप सामाजिक कार्यहरु गर्न प्रेरित गर्नुभएको थियो।पाठकले सेवा नै धर्म भएकाले मानविय सेवामा सक्रिय हुन पाउँदा आफूलाई अत्यन्त खुशि लागेको बताउनुभयो । कार्यक्रममा विद्यालय व्यवस्थापन समिति अध्यक्ष बिमल अर्याल, प्रधानाध्यापक कृष्ण प्रसाद पङ्गेनी, विद्यार्थी अभिभावक लगायतको उपस्थिति रहेको थियो। पाठक नेपाल प्रेस युनियन स्याङ्जाका कार्यसमिति सदस्य समेत हुनुहुन्छ,साथै वालिङ्ग बहुमुखी क्याम्पसमा बिआईसिटिई चौथो सेमेस्टरमा अध्यनरत हुनुहुन्छ।
