संगम भण्डारी
स्याङ्जा, १४ मंसिर । माध्यमिक विद्यालय स्तरीय हाजिर जवाफ प्रतियोगितामा चिराग आवासीय मा.वि प्रथम भएकाे छ ।
गल्याङ नगरपालिकाको श्री सार्वजनिक माध्यमिक विद्यालयले आज माध्यमिक विद्यालय स्तरीय हाजिर जवाफ प्रतियोगिता सम्पन्न गरेको हाे । प्रतियोगितामा सामुदायिक तथा संस्थागत विद्यालयबाट जम्मा १३ वटा विद्यालयहरू सहभागी रहेका थिए ।
सहभागी विद्यालयहरूमध्ये श्री चिराग आवासीय मा.वि. प्रथम भएको छ भने श्री रामनदी धाम संस्कृत गुरुकुल र श्री गलकोट मा.वि क्रमश दोस्रो र तेस्रो भएका छन् । सान्त्वना पुरस्कार श्री शिवालय मा.वि ले प्राप्त गरेको छ। प्रथम हुने चिराग आवसीय मा.वि का सहभागी विद्यार्थीलाई प्रमाणपत्र ट्रफि सहित नगद रु ५००० बाट पुरस्कृत भएका छन् । दोस्रो ,तेस्रो र सान्त्वना हुनेले प्रमाणपत्र ट्रफी सहित नगद रु ३ हजार र २ हजार र सान्त्वनालाई १ हजार क्रमश प्राप्त गरेका छन्।
हरेक वर्ष अतिरिक्त क्रियाकलाप अन्तर्गत यस विद्यालयले हाजिरी जवाफ प्रतियोगिता र विद्यार्थीको प्रतिभाको खोजी आदि जस्ता क्रियाकलाप सञ्चालन गर्दै आएको छ। सोही कार्यक्रमको सम उद्घाटन गर्दै गल्याङ नगरपालिका वडा नम्बर १ का वडाध्यक्ष मणिप्रसाद बस्यालले यो कार्यक्रमले विद्यार्थीहरू शिक्षाप्रतिको गुणस्तरमा थप वृद्धि गर्न र विद्यार्थीलाई अतिरिक्त क्रियाकलापमा संलग्न गराई थप प्रतिभाशील बनाउन सहयोग पुगेको बताउनुभयो ।
उक्त कार्यक्रममा गल्याङ शिक्षा युवा तथा खेलकुद शाखा प्रा.स हिमलाल भण्डारीले सार्वजनिक मा.वि ले यो कार्यक्रम संगीतद्वारा निकै उत्कृष्ट उद्घाटन गरेको र यस विद्यालयले नगरका सबै मा.वि. को सबै विद्यालयलाई समावेश गराई विद्यार्थीको प्रतिभाको पहिचान गरेको बताउनुभयो।
उक्त कार्यक्रममा सार्वजनिक मा.वि. का प्रधानाध्यापक चुरामणी पाण्डे, सहायक प्रधानाध्यापक शालिग्राम खनाल, लगायत सम्पूर्ण शिक्षा कर्मचारीको उपस्थिति रहेको थियो।
उक्त कार्यक्रममा प्रश्न सोध्ने कार्य सूर्यप्रसाद पंगेनीले गर्नुभएको थियो भने कार्यक्रम सञ्चालन सोही विद्यालयका अतिरिक्त क्रियाकलाप संयोजक सोमनाथ न्यौपानीले गर्नुभएको थियो।
