स्याङ्जा, ४ पुस । पूर्वराष्ट्रपति विद्यादेवी भण्डारी स्याङ्जाको कालीगण्डकी गाउँपालिका–३ मा रहेको आलमदेवी मन्दिर दर्शन गर्न आउनु हुने भएको छ । स्याङ्जाको कालीगण्डकी गाउँपालिका–३ मा रहेको आलमदेवी मन्दिर दर्शनका लागि भण्डारी शुक्रबार स्याङ्जा आउन लाग्नु भएको हो ।
मन्दिरको दर्शन र पूजाको लागि भण्डारी कालीगण्डकी गाउँपालिकामा आउन लाग्नु भएको पालिकाका अध्यक्ष खिम बहादुर थापाले जानकारी दिनुभयो । विहान ११ बजे कालीगण्डकी आई मन्दिरको दर्शन र पुजा पछि पोखरा फर्कने कार्यक्रम रहेको अध्यक्ष थापाले बताउनुभयो ।
