काठमाडौं,१६ फागुन । नेपाल मजदुर किसान पार्टी (नेमकिपा)को आठौँ महाधिवेशन शुक्रबारबाट सुरु भएको छ ।
भक्तपुरको सल्लाघारीमा पार्टीका अध्यक्ष नारायणमान विजुक्छेले महाधिवेशनको उद्घाटन गर्नुभएको थियो । महाधिवेशनले देश तथा विदेशका विभिन्न विषयमा कन्द्रित भएर बृहत् छलफल गर्दै विभिन्न एजेण्डा पारित नेमकिपाले जनाएको छ । महाधिवेशनमा काठमाडौँ, भक्तपुर, ललितपुरसहित सातै प्रदेशका विभिन्न जिल्लाबाट प्रतिनिधि, पर्यवेक्षक र कार्यकर्ताको सहभागिता रहेको छ ।
उद्घाटन समारोहमा नेमकिपा अध्यक्ष विजुक्छेले मुलुकको आर्थिक नीति विदेश निर्भर भएकाले आर्थिक उन्नती नभएको बताउनुभयो । सरकारले आफ्नो मान्छेलाई रोजगारी दिने नाममा राज्यको ढुकुटी खर्च गर्नु समाजवाद नभएको उहाले बताउनुभयो ।
विजुक्छेले युवाहरुलाई विदेशमा नभइ आफ्नै ठाउमा रोजगारीको व्यवस्था गर्नुपर्ने उहाको भनाइ छ । उहाले महङ्गी र कालाबजारीलाई नियन्त्रण गर्नुपर्ने, चोरि निकासी गर्नेलाई कडा कारवाही गर्नुपर्नेमा जोड दिनुभयो । समाजवादले मात्रै जनताको भलो हुने र समानता हुने भएकाले त्यसका लागि संघर्ष गर्नुपर्ने उहाको भनाइ छ । बिजुक्छेले स्थानीय सरकारलाई पूर्णरुपमा अधिकारसम्पन्न बनाउन नसक्नु सरकारको कमजोरी भएको उल्लेख गर्नुभयो ।
उहाले नेमकिपाको झण्डामुनी आइ जनताको निस्वार्थ सेवा समर्पित हुन आग्रह गर्नुभयो । अध्यक्ष नारायणमान विजुक्छेँ रोहितको नेतृत्वमा विसं २०३१ माघ १० गते नेपाल मजदुर किसान पार्टीको स्थापना भएको थियो । पार्टीको साताँै महाधिवेशनसम्ममा पार्टी संस्थापक अध्यक्ष नारायणमान बिजुक्छेँ (रोहित)लाई नै सर्वसम्मत अध्यक्ष चुन्दै आएको छ ।
