काठमाडौं, २३ चैत । राष्ट्रिय स्वतन्त्र पार्टीले जनयात्रा अभियानको शुभाम्भ गरेको छ ।
शनिबार चितवनबाट रास्वपाका शीर्ष नेताहरुले जनयात्रा अभियानको घण्टी बजाएर शुभारम्भ गरेका हुन् । जनयात्रा अभियानको शुभाम्भलाई पार्टी सभापति रवि लामिछानेले बिशेष सम्बोधन गर्ने भनिएतापनि उनलाई शुक्रबार राती नै प्रहरीले पक्राउ गरेपछि अन्य नेताहरुले सम्बोधन गर्दै जनयात्रा शुभारम्भ गरेका थिए ।
सो क्रममा रास्वपा उपसभापति डा स्वर्णिम वाग्लेले राज्यले नियतबस लामिछानेमाथि अन्याय गरेको बताउनुभयो । उच्च अदालतको आदेश जिल्ला अदालतमा नपुराई बदला लिने उदेश्यले सरकारले लामिछानेलाई रातारात पक्राउ गरेको उहाले बताउनुभयो ।
यसअघि लामिछानेले आफुलाई पक्राउ गरेपनि जनयात्रा अभियान नरोक्न नेताहरुलाई निर्देशन दिनुभएको थियो । जनताको कुरा सुन्ने भन्दै रास्वपाले जनयात्रा अभियान सुरु गरेको हो ।
