काठमाडौ, ६ साउन । कांग्रेसका महामन्त्री विश्वप्रकाश शर्माले प्रतिकुलता र जटिलताबाट अहिले गठबन्धनको सरकार बनेको भन्दै सहमतिका आधारमा अघि बढ्नुपर्ने बताउनुभयो । कुलिङ अफ पिरियड र भूमि विधेयकका सन्दर्भमा दुई दलको फरक मतलाई हल गर्न प्रधानमन्त्री गम्भीर हुनुपर्ने उहाले बताउनुभयो ।
महामन्त्री शर्माले कुलिङ अफ पिरियडमा कांग्रेसको भावना बिपरित एमाले अघि बढ्न खोजे गठबन्धनमा दरार आउन सक्ने चेतावनी दिनुभयो । सरकारलाई सफल बनाउने सर्तमा सवै बिषयलाई सहजै स्वीकार गर्न नसकिने उहाले स्पष्ट पार्नुभयो ।
त्यस्तै कांग्रेस प्रवक्ता डा प्रकाशशरण महतले दुईदलले एकअर्काको दृष्टिकोणलाई स्वीकार गर्न सके मात्रै गठबन्धन सफल हुने बताउनुभयो । उहाले सर्वसम्मतबाट पास भएको कुलिङ अफ पिरियडको बिषयमा कांग्रेसले कम्प्रमाइज गर्न नसक्ने स्पष्ट पार्नुभयो । भूमि विधेयक लगाएत महत्वपूर्ण बिषयमा पनि एकलौटी लाद्ने कुरा स्वीकार्य हुन नसक्ने उहाको भनाइ छ ।
उहाले गठबन्धनको सरकार गठन हुँदा दुई दलबीच भएको सहमति अनुसार संविधान संशोधनको बिषयलाई समेत अघि बढाउनुपर्नेमा जोड दिनुभयो । अहिलको गठबन्धन सरकार ८४ सम्म निरन्तर लैजान सरकारको प्रभावकारीता बढ्नुपर्ने उहाले बताउनुभयो ।
