दिवस भण्डारी
असार ६ स्याङ्जा । स्याङ्जाबाट स्थापना भएर राष्ट्रिय स्तरको विकास बैंक भएको गरिमा विकास बैंकले केसीएल असट्युटको शेयर स्वामित्व खरिद गरेको छ । शेयर खरिद सम्झौतामा गरिमा विकास बैंकका तर्फबाट प्रमुख कार्यकारी अधिकृत गोबिन्द ढकाल र केसीएलको तर्फबाट अध्यक्ष दिपक पाण्डेले हस्ताक्षर गर्नुभएको छ ।
गरिमा विकास बैंकले केसीएलको ५१.२० प्रतिशत शेयर स्वामित्व खरिद गरेको हो । सम्झौता अनुसार केसीएल अब गरिमा विकास बैंकको सहायक कम्पनी बनेको छ । साथै केसीएलले अब गरिमा क्यापिटलको नामबाट सेवा प्रदान गर्ने छ । केसीएल नेपाल धितोपत्र बोर्डबाट लाईसेन्स प्राप्त मर्चेन्ट बैंकर हो । कम्पनीले लगानी ब्यबस्थापन सेवा प्रदान गर्दै आएको छ । देशभरीका विकास बैंक मध्ये सेवाप्रवाहमा उत्कृष्ट गरिमा बैंक पछिल्लो समय सेवाग्राहीका लागि एक पछि अर्को सेवा दिन थालेको छ ।
