काठमाडौं,२१ चैत । राष्ट्रिय प्रजातन्त्र पार्टीले चैत्र १५ गते काठमाडौंको तीनकुने लगाएतका क्षेत्रमा भएको घटनामा सरकारको कमजोरी भएको भन्दै गृहमन्त्रीको राजीनामा माग गरेको छ ।
अध्यक्ष राजेन्द्र लिङ्देनको नेतृत्वमा गएको राप्रपाको प्रतिनिधिमण्डलले बिहीबार सिंहदरबारमा कार्यवहाक प्रधानमन्त्री प्रकाशमान सिंहलाई ध्यानाकर्षण पत्र बुझाउदै उक्त घटनाको छानविन गर्नुपर्ने भन्दै गृहमन्त्रीको राजीनामा माग समेत गरेको हो ।
सर्वोच्च अदालतका पूर्व न्यायाधीशको अध्यक्षतामा मानवअधिकार आयोग र नागरिक समाज सम्मिलित स्वतन्त्र छानबीन आयोग गठन हुनुपर्ने माग गरिएको अध्यक्ष लिङ्देनले बताउनुभयो । घटनाको छानविनका लागि गृहमन्त्रीको राजिनामा र चैत १५ गतेको दमनमा नेतृत्व गर्ने प्रहरी प्रमुख र प्रशासनिक नेतृत्वको निलम्बन गर्नुपर्ने उहाले बताउनुभयो ।
त्यस्तै मृतकहरुलाई शहीद घोषणा गरिनुपर्ने, राप्रपा नेताहरु रबीन्द्र मिश्र र डा. धवल शमसेर राणा लगायत अन्य बन्दीहरुको रिहाई गर्नुपर्ने तथा घाइतेहरुको निःशुल्क र प्रभावकारी उपचारको व्यवस्था गरिनुपर्ने मागसहितको ध्यानाकर्षण बुझाइएको अध्यक्ष लिङ्देनले जानकारी दिनुभयो ।
उहाले आफ्ना मागहरुका बिषयका सुनुवाई नगरि सरकार एकपक्षीय ढंगले अघि बढे आगामी कार्यक्रमलाई दमनको विरुद्धको कार्यक्रममा परिणत गर्ने चेतावनी दिनुभयो ।
