सिजल राना
कार्तिक १९,स्याङ्जा । स्याङ्जाको कालीगण्डकी गाउँपालिकामा कार्तिक १३ गते देखि सुरु भएको वडा स्तरीय भलिबल प्रतियोगिता सनिवार सम्पन्न भएको छ ।
पालिकाको वडा नं ३ मा रहेको वैघाको चुली भूयार खेल मैदानमा भएको खेलमा कालीगण्डी गाउँपालिका भित्रका २४ टीम सहभागी रहेको थियो । प्रतियगितामा प्रथम स्थान हासिल गरेको वडा नं २ को फ्रेन्ड्स क्लब,घुरडाडाँ लाई नगद रु ४५,००० हजार सहित ट्रफि ,मेडल र प्रमाणपत्र सहित पुरस्कार प्रदान गरिएको थियो । त्यसैगरी दोस्रो स्थान हासिल गरेको वडा नम्बर ३ मा रहेको रोनी कन्स्ट्रक्सन क्लबलाइ नगद रु २८,००० ,थियो भने तेस्रो स्थान हासिल गरेको वडा नम्बर ४ को विर्घा युथ क्लब लाई रु १८,००० सहित ट्रफि ,मेडल र प्रमाणपत्रले पुरस्कृत गरिएको थियो।
प्रतियोगितामा फ्रेन्ड्स क्लबका खेलाडी बसन झेडीलाई उत्कृष्ट खेलाडी घोषणा गरिएको थियो । त्यसैगरी वेस्ट इसपाईकर विदुर राना ले प्राप्त गर्नुभएको थियो भने वेस्ट डिफेन्डर बसन्त झेडीले प्राप्त गर्नु भएको थियो । वेस्ट सेटर जनक झेडी ,वेस्ट ब्लकर प्रतीक झेडी र वेस्ट सर्भर समिल थापालाई घोषणा गरिएको थियो।
शनिबार समापन भएको कार्यक्रममा कालीगण्डकी गाउँपालिकाका अध्यक्ष खिम थापा ,उपाध्यक्ष सावित्रा कोइरला, लगायत विभिन्न विद्यालयका शिक्षकहरु,खेलमैदान जग्गादाता लगायतको सहभागिता रहेको थियो। 
