सुस्मा अर्याल
स्याङ्जा,१४ माघ । साक्षर जिल्ला घोषणा गरिएपनी जिल्लाको गल्याङ नगरपालिका ९ मा रहेको माझी गाउँका बालबालिका शिक्षाबाट बन्चित बन्दै आएका छन् ।
गल्याङ नगरपालीका ९ स्याङ्गजा बेल्चौर साखरमा अवस्थीत माझी गाउँमा १७ घर परिवारका १९ बालबालिका बिधालयबाट बन्चित भएका हुन् । केही बालबालिका छिमेकी जिल्ला पाल्पा गएर पढ्न बाध्य छन् भने कोहि दिनभरि मेलापातमा बिताउन बाध्य भएका छन् ।
बस्तीको नजिक स्कुल नहुदा बालबालिकाहरुलाई बिधालय पठाउन नसकिएको स्थानीय श्याम बहादुर माझीले हेर्नेकुरा डट कमलाई बताउनुभयो । उहाँले भन्नुभयो ‘बस्ती नजिक स्कुल छैन टाढाको स्कुल पठाउन सकिएन ।’
जिल्लामा ८२ प्रतिशत सक्षरता भएको भएपनी स्याङ्जाको गल्याङ नगरपालिका ९ को माझी वस्तीमा रहेका बालबालीका भने अध्ययनको लागि पाल्पा जिल्ला जान बाध्य छन ।
विद्यालयका लागी अर्को जिल्ला जानुको विकल्प नभएको स्थानीय स्याम बाहादुर माझीले बताउनुभयो । उहाँले भन्नुभयो ‘माझी समुदायका अधिकांश मानीसहरु अशिक्षीत छन् । उनीहरुका बालबच्चा पनी पढन जाने ठाउँ नजिक छैन ।’ माझी समुदायमा नै एउटा आधारभूत विद्यालय खोल्न सके बालबालीकाहरु शिक्षाबाट बन्चित हुनु नपर्ने उहाँको भनाइ छ ।
प्रत्येक बालबालीकाले निशुल्क शिक्षा पाउनु पर्छ भन्ने सरकारको नीति रहेको भन्दै त्यसैअनुसार माझी समुदायका बालबालीकालाई सहज अध्ययनका लागी पहल गरिने सोही वडाका अध्यक्ष नामदेव खनालले जानकारी दिनुभयो । बालवालीकालाई शिक्षामा अगाडी ल्याउन र अब्बल बनाउनका लागी विभिन्न शैक्षिक समग्रीहरु प्रदान गरिने पनि उहाँले बताउनुभयो । अध्यक्ष खनालले वडा वाट केही बजेट छुट्टाएर माझी उक्त बस्तीका बालवालीकालाई शिक्षामा वन्चित हुन बाट रोक्ने प्रतिबद्धता समेत व्यक्त गर्नुभयो ।
साक्षरता जिल्ला घोषणा भएतापनि कतिपय गाउँ बस्तीहरुका नागरिकहरु शिक्षाबाट बन्चित हुनुपर्ने यस्तो अवस्थाको अन्त्य गर्न सम्बन्धित निकायले बेलैमा ध्यान दिन जरुरी छ ।
