काठमाडौ , ३ असार । प्रभु बैंकले कालिकोटको खाडाचक्र नगरपालिका १ स्थित मान्मामा असार २ गतेदेखि ३०५ औं शाखा सञ्चालनमा ल्याएको छ।
कम्पनीले विभिन्न स्थानमा नयाँ शाखा सञ्जाल विस्तार गर्ने क्रममा मान्मा पनि ३०५ औं शाखा खोली कार्यालयको सेवा सञ्चालनमा ल्याएको हो ।
कम्पनीले व्यावसायिक सञ्जाल विस्तार गर्दै विभिन्न ठाउँहरुमा शाखा कार्यालय सञ्चालनमा ल्याएर सर्वसाधारणको घरआँगनसम्म सरल र सहज रुपमा बैंकिङ्ग सेवा विस्तार गरेको बताएको छ । यो अभियानले देशभरिनै बैंकिङ्ग पहुँचमा वृद्धि भएको मात्र नभई समग्र देशको आर्थिक विकासमा सकारात्मक टेवा पुगेको पनि उहाँले बताउनुभएकाे छ ।
मान्मा शाखामार्फत स्थानीय बासिन्दा, सर्वसाधारणहरु, व्यवसायिक फर्म, कम्पनी तथा संघ संस्थाहरुले गुणस्तरीय सेवा उपभोग गरी लाभान्वित हुने र यस क्षेत्रको समग्र आर्थिक उन्नतीमा महत्वपूर्ण भूमिका निर्वाह गर्नेछ विश्वास लिएको कम्पनीले बताएको छ ।
कम्पनीका नेपालभर ३०५ शाखा कार्यालयहरु, २८६ एटीएमका साथै ७० एक्सटेन्सन काउन्टर छन् ।कम्पनीले छोटो समयको अन्तरालमानै फिनाकल ईन्फोसिस ईनोभेसन गोल्ड–२०२४ अवार्डबाट सम्मानित भएको पनि बताएको छ।
