संगम भण्डारी
स्याङ्जा, ७ असार । आफू र समाजको लागि योग भन्ने नाराका साथ दशौँ अन्तर्राष्ट्रिय योग दिवस स्याङ्जाकाे गल्याङ नगरपालिका १ मालुङ्गामा रहेकाे सार्वजनिक नमुना मा.वि.मा मनाइएकाे छ ।
सार्वजनिक नमुना मा.विको आयोजनामा विद्यालयमा उक्त कार्यक्रम सम्पन्न भएको हो । अबको समयमा मानव स्वस्थ रहनलाई योगको विकल्प नरहेको भन्दै विभिन्न औषधि उपचारभन्दा पनि योगको माध्यमबाट स्वस्थ रहने भएकाले योग अनिवार्य गर्नुपर्नेमा कार्यक्रमका अन्तर्राष्ट्रिय योग प्रशिक्षक देवमणि बस्यालले जोड दिनुभएकाे थियाे । ध्यान र योगको माध्यमबाट आफ्नो मनमा भएको विचारहरूलाई बाहिर निकालेर आफ्नो सोचलाई कसरी परिवर्तन गर्न सकिन्छ, ध्यान र योगको माध्यमबाट स्वास्थ्यको लागि ध्यानको विषयमा प्रमुख प्रशिक्षक देवमणि बस्यालले जानकारी गराउनुभएकाे थियाे । योग दिवसको अवसर पारेर सार्वजनिक नमुना माध्यमिक विद्यालयमा अन्तर्राष्ट्रिय योग प्रशिक्षणद्वारा कार्यक्रम सम्पन्न गरिएको हाे ।
विधालयका प्रधानध्यापक चुरामणी पाण्डेको अध्यक्षतामा रहेको कार्यक्रममा उक्त विधालयका विधालय व्यवस्थापन समितिका पदाधिकारीहरुको उपस्थिति रहेको थियो तथा वडाका वडा अध्यक्ष, वडा सदस्यहरु तथा सामाजिक व्यक्तिहरुको उपस्थिति रहेको थियो ।
