यमकला अधिकारी
स्याङ्जा १५, असार । स्याङ्जाको गल्याङ नगरपालिका ७ पट्काङ् रहेको श्री कालिका आधारभूत विद्यालयमा नतिजा प्रकाशन, छात्रवृत्ति तथा पुरस्कार वितरण कार्यक्रम सम्पन्न भएको छ।विद्यालयमा शैक्षिक सत्र २०८० मा अध्ययन गरेका विद्यार्थीलाई अभिभावकको बीचमा एक समारोहमा पुरस्कार र छात्रवृत्ति वितरण गरिएको थियो।
उक्त कार्यक्रम शैक्षिक सत्र २०७७ सालदेखि २०८० साल ४ वर्षसम्मको नतिजा प्रकाशन र पुरस्कार तथा छात्रवृत्ति वितरण कार्यक्रम गरिएको विद्यालयका सहायक प्रधानाध्यापक श्यामप्रसाद भट्टराईले जानकारी दिनुभयो ।
कार्यक्रममा बोल्दै त्यसै विद्यालयका भूतपूर्व विद्यार्थी निलकण्ठ अधिकारीले विद्यार्थीहरूको हौसला बढाउन गरिब तथा जेहेनदार विद्यार्थीलाई सो पुरस्कार वितरण गरिएको बताउनुभयो । 
