काठमाडौँ, १० साउन । सरकारले मुख्यसचिवमा लीलादेवी गड्तौलालाई नियुक्त गरेको छ ।
बिहीबार बसेको मन्त्रिपरिषद् बैठकले गड्तौलालाई मुख्यसचिव बनाएको हो । मन्त्रिपरिषद् बैठकको सुरु मै प्रधानमन्त्री केपी शर्मा ओलीले आफुलाई मुख्यसचिव बनाउने प्रस्ताव गर्नुभएको र पारित भएको गड्तौलाले बताउनुभयो । आफु मुख्य सचिव भएपछि काठमाडौंमा आयोजित एक कार्यक्रममा उहाले महिलालाई मुख्यसचिव बनाएकोमा धन्यवाद दिनुभयो । उहाले मन्त्रिपरिषद्मा महिलाका एजेण्डाहरु राम्रोसंग अघि बढिरहेको उल्लेख गर्नुभयो ।
नेपालका इतिहासमा पहिलो महिला मुख्यसचिव नियुक्त हुँदा निकै जिम्मेवारी बोध भएको बताउनुभयो । उहाले मुख्यसचिव आफुले कल्पना गरेको पद नभएको धारणा राख्नुभयो । यसअघि उहालाई असार ३१ गते कायमुकायम मुख्यसचिवको जिम्मेवारी दिइएको थियो ।
