काठमाडौं, २८ साउन । प्रशोधित पानी उत्पादक कम्पनीहरूले सरकारले तोकेको अधिकतम खुद्रा मूल्यमा असन्तुष्टि जनाएपछि वाणिज्य, आपूर्ति तथा उपभोक्ता संरक्षण विभागले लागत पुष्टि कागजात माग गरेको छ ।
प्रशोधित पानी उत्पादक कम्पनीलाई जार र बोतलको पानीको तोकिएको अधिकतम खुद्रा मूल्यभन्दा बढी हुने गरी होटल, रेस्टुरेन्टसँग सम्झौता नगर्न चेतावनी दिएको थियो ।
विभागले सोमबार एक सूचना जारी गर्दै विभागले प्रशोधित पानीको अलावा अन्य प्रकारको पानी उत्पादन र बिक्री वितरण गरेको भए त्यसको उत्पादन लागतको विश्लेषण चार्टसहित कागजात बुझाउन भनेको छ ।
यस्तो विवरण विभागले अनुगमन/निरीक्षण गर्दा फरक नपर्ने सुनिश्चित गर्न समेत सचेत गराइएको छ ।
