स्याङ्जा,२८ माघ । सिद्धार्थ राजमार्गको वालिङमा मोटरसाइकल र ट्रक एक आपसमा ठोक्किदा मोटरसाइकल चालकको मृत्यु भएको छ ।
मृत्यु हुनेमा मोटरसाईकलको पछाडी सवार स्याङ्जा बिरूवा गाउँपालिका वडा नं ०७ घर भई हाल वालिङ नगरपालिका वडा नं ०९ क्याम्पसरोड बस्ने बर्ष १६ को सुशिल गुरूङ रहेको जिल्ला प्रहरी कार्यालय स्याङ्जाका सूचना अधिकारी हरि प्रसाद पौडेलले जनाकारी दिनुभयो ।
आइतबार राति करबि १०.३० बजेको सयमा वालिङमोडबाट भकुण्डेतर्फ आँउदै गरेको ग.१ ख. ९४७२ नं. को ट्रकलाई सोह दिशाबाट आँउदै गरेको लु. ६९ प ८०६७ नं. को मोटरसाईकलले ओभरट्याक गर्ने क्रममा ट्रकको वीचमा मोटरसाईकल पसी वालिङ नगरपालिका वडा नं ०८ डुम्रीकोट स्थित सिद्दार्थ राजमार्गमा दुर्घटना भएको प्रहरीले जनाएको छ ।
ट्रक चालक र मोटरसाईकल चालक जिल्ला प्रहरीको नियन्त्रणमा रहेको र थप अनुसन्धान कार्य भई रहेको प्रहरीले जनाएको छ।
