पूजा खड्का
स्याङ्जा, २७ माघ । भिरकोट नगरपालिका क्षेत्री समाज महिला संघको अध्यक्षमा लीलावती खत्री चुनिनु भएको छ । भिरकोट क्षेत्री समाजको अधिवेशन भिरकोट नगरपालिका १ बयर घारीमा शनिबार सम्पन्न भएको हो ।
कार्यक्रममा भिरकोट क्षेत्री समाजका अध्यक्ष मिन बहादुर केसि, विविध पदाधिकारी व्यक्तित्वहरू, भिरकोट नगर प्रवक्ता वडा नम्बर १ का वडा अध्यक्ष दिपेन्द्र केसि, क्षेत्री समाजका केन्द्रीय सदस्य इन्दिरा केसि, क्षेत्री समाज स्याङ्जा जिल्लाका कोषाध्यक्ष मान बहादुर केसी, जिल्ला सदस्य पार्वती थापा, चमेली केसी, डील बहादुर रोका, हर्क बहादुर रोका लगायत भिरकोटका जनप्रतिनिधि क्षेत्री दाजुभाइ दिदीबहिनी बुद्धिजीवी सर्वसाधारण लगायतको सहभागिता रहेको थियो ।
निवर्तमान अध्यक्ष मञ्जु श्री अधिकारी, वरिष्ठ उपाध्यक्ष निर्मला अधिकारी, उपाध्यक्ष वेद कुमारी भण्डारी र लक्ष्मी बोगटी केसि निर्वाचित हुनुभएको छ। त्यसैगरी सचिवमा लक्ष्मी थापा, सह-सचिवमा अम्बिका खत्री गोदार कोषाध्यक्षमा गीता गोदार चयन हुनुभएको छ । त्यसै गरी सदस्यहरुमा निरमाया गोदार, किस्मिता केसि, मञ्जु कार्की, शिवानी केसी, पूर्णिमा थापा, देबु खत्री, मीना कुमारी केसी, रिता अधिकारी चयन हुनुभएको छ।
