पूजा खड्का
स्याङ्जा,१५ फागुन ।स्याङ्जा जिल्ला पछिल्लाे समय पर्यटकीय हब भन्दै गहिरहेकाे छ । नेपाल कै पहिलो र दक्षिण एशियाकाे तेस्रो अर्जुनचाैपारी गाउपालिकामा बनेकाे नवग्रह मन्दिरमा आउने नाै दिनमा पर्यटक करिव १ लाख एकतिस हजार पर्यटक भित्रिएकाे पुष्टि भएको हाे ।
नवग्रह मन्दिर सचिवालयकाे रेकर्ड अनुसार नाै दिनमा करिब एक लाख एकतीस हजार भक्तजन र स्थानीयको सहभागिता रहेको जनाएकाे छ ।
१४४ वर्ष कै उत्तम समय रहेको यस सु अवसरमा धार्मिक गुरुहरूको सल्लाह र सुझाब अनुसार नवग्रह मन्दिर निर्माण र धार्मिक अनुष्ठान कार्यक्रम सम्पन्न गरिएको गाउँपालिका अध्यक्ष प्रकाश तिवारीले जानकारी दिनुभयो। धार्मिक महोत्सव तथा अनुष्ठान कार्यक्रममा स्थानिय प्रदेश लगायत भारतबाट पनि भक्तजनहरूको सहभागीता भएको उहाले बताउनुभयाे।
करिब एक लाख एकतीस हजार भक्तजन र स्थानीयको सहभागिता रहेको अध्यक्ष तिवारीकाे सचिवालयले जनाएकाे छ । त्यसै गरी उहाले कार्यक्रमको उद्धेश्य अनुरुप अघि बढ्न छोटो छरितो समयमा प्रत्येक दिन अलग अलग व्यक्तित्वको अध्यक्षतामा कार्यक्रम अघि बढाइएको बताउनुभयाे। प्रमुख अतिथि विशिष्ट अतिथि भक्तजन दान कर्ता सबैलाई एकरूपताका आधारमा सम्मान साथै भोजन प्रसादको ब्यबस्था गरिएको बताउनुभयाे। त्यसै गरी नवग्रह मन्दिर निर्माणमा पञ्चकन्या मन्दिरमा केही मर्मत सहित बाकी व्यवस्था अहिले गरिएको जानकारी गराउँदै यसको लागि प्रदेश बाट प्राप्त हुने बजेटको ४० लाख बजेट, प्रधानमन्त्री स्वरोजगार को वडा को बजेट, युवा तथा समाज को श्रम दानको साथमा नगरपालिकाबाट बजेट व्यवस्था गरिएको जानकारी गराउनुभयो। अध्यक्ष तिवारीले हालमा कार्यक्रम ठूलो भएको हुँदा नगरपालिकाले आयोजना गरे पनि पछि मन्दिर व्यवस्थापन समितिलाई जिम्मेवारी दिने जानकारी गराउदैं पालिका त्यहा मात्र नभुली धेरै बाकी आवश्यक र सुधारका काम मा अघि बढ्ने जानकारी दिनुभयो। त्यसै गरी आवश्यक परेको खण्ड मा सहयोग र साथ पालिका अघि बढ्ने जानकारी गराउनुभयो।
संस्कृति पर्यटन तथा नागरिक उड्यान मन्त्री बद्री प्रसाद पाण्डेले उदघाटन गरे सँगै शिवरात्री सम्म निरन्तर नौं दिन कार्यक्रम चलिरहेको र शिवरात्री मै समापन भएको
धार्मिक अनुष्ठान कार्यक्रमको समापनमा संघीय सांसद राजु थापाको प्रमुख आतिथ्यतामा समापन भएको हो।
कार्यक्रम मा बोल्दै सांसद थापाले अर्जुन चौपारीमा निर्माण गरिएको नवग्रह मन्दिर विज्ञान र धर्म लाई जोडेर अघि बढेको जानकारी गराउदैं शैक्षिक तथा धार्मिक विषयमा अध्ययनको विषय हुने उल्लेख गर्दै अलग किसिमको प्रभाव पार्न सफल रहने बताउनु भयो। उहाले पूर्वाधार निर्माण देखि आवश्यक क्षेत्रमा आफ्नो सहयोग रहने बताउनुभयाे ।
कार्यक्रममा जनप्रतिनिधि,समाज सेवी , पार्टी सँघ संस्थाका विविध पदमा रहनुभएका व्यक्तित्वहरू भक्तजनहरु, धार्मिक व्यक्तिहरू लगायत स्थानिय बाबा आमा दाजु दिदीबहिनी बसाईसराई गरेर बस्नु भएका स्थानिय व्यक्तिहरू लगायत सर्वसाधारणको उल्लेखनीय सहभागिता रहेको थियो।
धार्मिक अनुष्ठान को साथ साथमा भजन सम्बन्धी टेक नारायण चापागाईं र देवी घर्ती को “नवग्रह तिम्रै चरणमा छौं, तिम्रै शरण पर्छौं ” भन्ने नवग्रह भजन को छायांकन समेत गरिएको थियो। कार्यक्रम सफल बनाउन भीड भाड व्यवस्थापन सहज बनाउन स्वयं सेवक हरुले राम्रो भूमिका खेल्नुभएको थियो। 
