स्याङ्जा महोत्सव आईतबार समापन

२०८१ फाल्गुन २०, मंगलवार ,प्रकाशित
अनुमानित पढ्ने समय : 5 मिनेट

पूजा खड्का
स्याङ्जा, २० फागुन । “कृषि पर्यटन नैं आर्थिक समृद्धिको पूर्वाधार” भन्ने नारा सहित स्याङ्जा उद्योग बाणिज्य संघले आयोजना गरेको स्याङ्जा महोत्सवको समापन आईतबार भएको छ । संस्कृति तथा पर्यटन मन्त्री बद्री प्रसाद पाण्डेले समुद्घाटन गरेको उक्त स्याङ्जा महोत्सवको समापन पुतलीबजार का मेयर तुलसी रेग्मीले गर्नुभएको हो।

उहाले कृषि तथा पर्यटनको मुख्य आधार नै महोत्सव रहेको उल्लेख गर्दै समय समयमा कृषि सम्बन्धी मेला आवश्यक रहेको बताउनुभयो। उहाले कृषिले स्थानिय स्तरमा रहेका उत्पादित सामग्री किनबेचमा सहज हुने र नया किसिम बाट उत्पादनमा जोड दिन कृषक लाई उत्साहित बनाउने बताउनुभयो।

कार्यक्रममा विविध कलाकारको सहभागिता सहित दर्शकहरुलाई मनोरञ्जन गराइएको थियो। महोत्सव मा दर्शक लाई मनोरञ्जन गराउन राष्ट्रिय ख्याति प्राप्त कलाकारहरु रामजी खाण, श्याम राना, दुर्गेश थापा,पशुपति शर्मा, रचना रिमाल, पुरुषोत्तम न्यौपाने, खुमन अधिकारी, एलिना चौहान, शान्ति रानी परियार, सुनितामी परियार, बद्री पंगेनी, सुबोध गौतम, राजन गुरुङ्ग, राजु गुरुङ्ग, कृष्ण गुरुङ्ग, प्रीति आले, कुलेन्द्र विश्वकर्मा, शिव हमाल साहिमा श्रेष्ठ सम्झना श्रेष्ठ राजन कार्की,सरस्वती लामिछाने लगायत हास्यकलाकार मा पोखरेली माग्ने बुढो र धुर्मुस,जादूगर नृत्य मा राजेन्द्र गिरीको समुह सहित धेरैको उल्लेखनीय सहभागिता रहेको थियो।

कार्यक्रममा पञ्चेबाजा, रत्यौली, विद्यालय स्तरीय नृत्य, लोक भजन र मम्मी डान्स जस्ता प्रतियोगिता राखिएको र यसले स्थानियमा भएको विविध प्रतिभा र स्थानिय गृहिणीमा भएको प्रतिभा प्रस्फुटन हुन सहज देखिने भन्दै विविध प्रतियोगिता को आयोजना गरिएको संस्थाका महासचिव रविन केसिले जानकारी दिनुभयो । त्यसैगरी महोत्सव ले लोपोन्मुख रुपमा रहेका संस्कृति परम्परालाई बचाउन पनि सहयोग गर्ने जानकारी गराउनुभयो। उहाले कृषि र पर्यटन क्षेत्रको विकास र समृद्धिको लागि सहज माध्यम बनाउने उद्धेश्य सहित उद्योग बाणिज्य संघले महोत्सवको आयोजना गरेको जानकारी पनि दिनुभयो। उहाले अपाङ्गको सहजताको लागि अपाङ्ग मैत्री तवरमा महोत्सव आयोजना गरिएको पनि जानकारी गराउनुभयो।

प्रतियोगिता अन्तर्गत रत्यौली प्रतियोगितामा सृजना आमा समुह पुतलीबजार १४ लमगे प्रथम स्थान हासिल गर्दै २० हजार नगद सहित पुरस्कृत भएको छ। त्यसै गरी दोस्रो स्थान प्राप्त गर्दै १५ हजार नगद सहित माइस्थान टोल विकास संस्था पुतलीबजार १ पुरस्कृत भएको छ। त्यसै गरी जुगले बजार आमा समुह आँधीखोला गाउँपालिका तेस्रो स्थान हात पार्दै १० हजार नगद सहित पुरस्कृत भएको छ।

मम्मी डान्स प्रतियोगितामा पहिलो स्थान हात पार्न सफल कल्पना गुरुङ्ग पुतलीबजार १ बाट रहनुभएको छ। उहाले १० हजार पुरस्कार हात पार्न सफल हुनुभएको छ। त्यसै गरी ७ हजार पुरस्कार हात पार्दै सरिता केसि अर्जुन चौपारी गाउँ पालिका बाट दोस्रो स्थान हात पार्न सफल हुनुभएको छ ४ हजार नगद सहित भगवती सेन पुतलीबजार १ बाट तेस्रो स्थान हात पार्न सफल हुनुभएको छ।

विद्यालय स्तरीय नृत्य प्रतियोगिता अन्तर्गत ज्योति अङ्ग्रेजी आबासीय माबि प्रथम भएको छ भने १५ हजार नगद ले पुरस्कृत भएको छ। त्यसै गरी त्रिभुवन आदर्श माबि पुतलीबजार १ नृत्य प्रतियोगितामा दोस्रो स्थान हात पार्दै १० हजार नगद ले पुरस्कृत भएको छ। त्यसै गरी शिशु निकेतन इंग्लिश बोर्डिङ्ग स्कूल पुतलीबजार ३ तेस्रो स्थान हात पार्दै ५ हजार नगद ले पुरस्कृत भएको छ।

लोक भजनमा ब्राहमण समाज पुतलीबजार नगर समिति प्रथम भएको छ भने पुरस्कार स्वरूप १५ हजार नगद आफ्नो पोल्टामा पार्न सफल भएको छ। त्यसै गरी क्षेत्री समाज महिला समुह पुतलीबजार दोस्रो स्थान सहित १० हजार नगद प्राप्त गर्न सफल भएको छ। त्यसै गरी घिउ खोला टोल विकास संस्था तेस्रो स्थान हात पार्दै पाँच हजार नगद सहित पुरस्कृत भएको छ।

पन्चे बाजा प्रतियोगिता तर्फ सहभागी सम्पूर्ण समुह लाई पुरस्कृत गरिएको थियो भने सहभागी स्वरुप पाँच हजार नगद प्रधान गरिएको थियो।

कार्यक्रममा गण्डकी प्रदेश का सचिव कृषि विज्ञ बासुदेव रेग्मीलाई स्याङ्जा उद्योग बाणिज्य संघले सम्मान गरेको थियो। त्यसै गरी उमाकान्त अधिकारी लाई कृषक सम्मान स्वरूप सम्मान गरेको छ। पर्यटन मा सिरुवारी होमस्टे लाई सम्मान गरेको छ। त्यसैगरी कार्यक्रम मा घरेलु तथा साना उद्योग महासंघका अध्यक्ष पहिलो स्याङ्जा महोत्सव सञ्चालन गरेको हुँदा देबेन्द्र श्रेष्ठ लाई सम्मान गरेको छ। त्यसै गरी उद्योग तर्फ खुमा प्रसाद अर्याल लाई सम्मान गरेको छ। त्यसै गरी रत्यौली सम्बन्धी लोपोन्मुख भएको पुरानो रत्यौली गीत को संस्कृति जोगाउन गरेको पहल भनेर चम्फै गीत लाई प्रोत्साहन स्वरूप पुरस्कृत गरेको छ।

कार्यक्रममा नेपाल सरकारका मुख्य सचिव एक नारायण अर्याल,संघीय सांसद राजु थापा त्यसै गरी संघीय प्रहरी कार्यालय प्रमुख वरिष्ठ प्रहरी उपरीक्षक विमलराज कँडेल, नेपाल उद्योग बाणिज्य महासंघ का सुर कृष्ण वैद्य, गण्डकी प्रदेश का सांसद सुधीर पौडेल, सिता सुन्दास, कल्पना तिवारी, पूर्व प्रदेश मन्त्री सरस्वती तिवारी, मेखलाल श्रेष्ठ, भागवत प्रकाश मल्ल, गोविन्द कुमार कर्माचार्य, सूर्य कुँवर सहभागी हुनुभएको थियो। त्यसै गरी नेपाल उद्योग बाणिज्य महासंघ गण्डकी प्रदेश का अध्यक्ष अमित भट्टचन, पोखरा उद्योग वाणिज्य सङ्घ का अध्यक्ष गोकर्ण कार्की लगायत विविध पदाधिकारी र सदस्यहरू, लेखनाथ उद्योग वाणिज्य संघका अध्यक्ष विनोद श्रेष्ठ पदाधिकारी र सदस्यहरू, बुटवल उद्योग वाणिज्य संघका अध्यक्ष, बागलुङ उद्योग वाणिज्य संघका अध्यक्ष नरेश कँडेल पदाधिकारी र सदस्यहरु, गैंडाकोट उद्योग वाणिज्य संघका पदाधिकारी, रामपुर उद्योग वाणिज्य संघका पदाधिकारी को सहभागिता रहेको थियो। त्यसै गरी छिमेकी उद्योग बाणिज्य संघ अन्तर्गत भिरकोट उद्योग बाणिज्य संघका नुवादत्त अर्याल, वालिङ्ग उद्योग वाणिज्य संघका अध्यक्ष चेट नारायण श्रेष्ठ, गल्याङ उद्योग वाणिज्य संघका अध्यक्ष ध्रुव श्रेष्ठ, चापाकोट उद्योग बाणिज्य संघका अध्यक्ष निर्मल राना लगायत पदाधिकारी र सदस्यहरूको सहभागिता सहित शुभकामना व्यक्त गर्नुभएको थियो।

कार्यक्रममा विविध राजनीतिक पार्टीमा आबद्ध व्यक्तिहरू, विविध संस्थामा रहनुभएका बौद्धिक व्यक्तित्वहरू, आमा समुह, युवा समुह , विद्यालय का विद्यार्थी शिक्षक , संघ संस्थाका पदाधिकारी सदस्यहरू लगायत महोत्सव प्रेमी सर्वसाधारण बुद्धिजीवी लगायतको को उल्लेखनीय सहभागिता रहेको उक्त कार्यक्रम उद्योग बाणिज्य संघका अध्यक्ष महादेव श्रेष्ठ को अध्यक्षतामा महोत्सव कार्यक्रम सञ्चालन घनश्याम रिजाल र विक्रम सम्वत ले गर्नुभएको थियो भने समापन कार्यक्रम उद्योग बाणिज्य संघका महासचिव रविन केसीले सञ्चालन गर्नुभएको थियो। कार्यक्रम को सुरुवात देखि करिब असी हजार दर्शकले महोत्सव अवलोकन गरेको संस्थाका महासचिब रविन केसीले जानकारी गराउनुभयो।

कार्यक्रममा सहभागी हुनुभएका महोत्सव लाई उत्साहित बनाउन सफल प्रमुख अतिथि विशिष्ठ अतिथि संघ संस्थाका प्रतिनिधिहरु सदस्यहरू बुद्धिजीवी वर्ग बौद्धिक व्यक्तिहरू, स्टल राखेर किनबेचमा सहयोग पुर्याउने व्यापार व्यावसाय वर्ग दर्शक सम्पूर्ण प्रति आभार प्रकट गर्दै मौसमले पनि राम्रो साथ दिएर सहयोग गरेकोमा खुशी व्यक्त गर्दै सहभागी सम्पूर्ण प्रति आभार प्रकट गर्दै प्रायोजन र प्रचार प्रसार मा सहयोग पुर्याउने पत्रकार लगायत सम्पूर्ण प्रति आभार प्रकट गर्दै उद्योग बाणिज्य संघका अध्यक्ष महादेव श्रेष्ठले आभार प्रकट गर्नुभएको थियो।

प्रतिक्रिया दिनुहोस

सम्बन्धित समाचार