क्षयरोग दिवस जनचेतनामूलक कार्यक्रम गरि मनाइदै

२०८१ चैत्र ११, सोमबार ,प्रकाशित
अनुमानित पढ्ने समय : < 1 मिनेट

काठमाडौँ, ११ चैत । अन्तरराष्ट्रिय क्षयरोग दिवस नेपालमा पनि जनचेतनामूलक कार्यक्रमको आयोजना गरि मनाइएको छ ।

क्षयरोग रोग विरुद्ध जनचेतना जगाउने, सरल र सहज रुपमा उपचारको प्रबन्ध गर्ने, गराउने उद्देश्यका साथ यो दिवस मनाउने गरिएको छ । अन्तरराष्ट्रिय क्षयरोग दिवसका अवसरमा राष्ट्रिय क्षयरोग नियन्त्रण केन्द्रले देशैभर जनचेतनामूलक कार्यक्रमको आयोजना गरेको केन्द्रका निर्देशक डा. श्रीराम तिवारीले जानकारी दिनुभयो ।

नेपालमा क्षयरोग उपचार सफलता दर ९२ प्रतिशत रहेको र नेपालले अझै पनि क्षयरोग अन्त्यका लागि धेरै चुनौतीको सामना गरिरहेको तिवारीले बताउनुभयो । करिब ४० प्रतिशत अनुमानित क्षयरोग प्रभावित व्यक्तिलाई उपचारको दायरामा ल्याउन नसकिएको उहाको भनाइ छ ।

उहाले क्षयरोग लागेका बिरामीलाई निशुल्क उपचार हुने र औषधी सेवन गरिरहेका व्यक्तिबाट अन्य व्यक्तिमा क्षयरोग सर्ने सम्भावना नहुने पनि जानकारी दिनुभयो ।

सन् २०३० सम्ममा क्षयरोग महामारीको अन्त्य र २०५० सम्ममा क्षयरोग मुक्त नेपाल हासिल गर्ने लक्ष्यतर्फ केन्द्र अग्रसर रहेको केन्द्रले जनाएको छ । हरेकबर्ष विश्वमा ८० लाख नयाँ क्षयरोगी थपिन्छन भने २० लाखको क्षयरोगकै कारणले मृत्यू हुने गरेको डरलाग्दो तथ्याङ्क छ ।

प्रतिक्रिया दिनुहोस

सम्बन्धित समाचार

ताजा समाचार

लोकप्रिय