काठमाडौं,२२ जेठ । नेपाली कांग्रेसका सभापति शेर बहादुर देउवाले वर्तमान सत्तागठबन्धनमा कुनै समस्या नरहेको बताउनुभएको छ ।
बिहीबार जनकपुरमा सञ्चारकर्मीसंग कुरा गर्दै सभापति देउवाले कांग्रेस र एमालेको गठबन्धन राम्रोसंग चलिरहेको र कुनै समस्या नरहेको बताउनुभएको हो ।
उहाले सत्तागठबन्धन ८४ सम्म निरन्तर चल्ने उल्लेख गर्नुभयो । त्यस्तै सभापति देउवाले गृहमन्त्रीले राजीनामा दिनुपर्ने कुनै कारण नभएको भन्दै संसदको गतिरोध अन्त्यका लागि प्रयास भइरहेको बताउनुभयो । उहाले राजावादीहरुको आन्दोलन तुहिसकेको समेत जिकिर गर्नुभयो ।
कांग्रेस र एमालेको संयुक्त सरकारले ल्याएको बजेट राम्रो र सन्तुलित रहेको उहाको भनाइ छ ।
