स्याङ्जा, ३ असोज । संविधान दिवसका अवसरमा स्याङ्जा कारागारका छ कैदीबन्दीलाई बाँकी कैद मिनाहा गरी छाडिएको छ ।
अदालतबाट तोकिएको कैद सजायमध्ये ५० प्रतिशत कैद भुक्तान गरिसकेका कैदीबन्दीलाई राष्ट्रपति रामचन्द्र पौडेलबाट संविधान दिवस २०८० का अवसरमा कैद मिनाहा गरिएको हो । स्याङ्जा कारागार प्रमुखका अनुसार कैद मिनाहा हुनेमा बहुविवाह ३, डाँका चोरीका २ र ज्यान मुद्धाका १ गरी ६ जना रहेका छन् ।
कैद मिनाह हुनेमा बहुविवाह मुद्धाका इश्वर कार्की, कोपिला दर्जा सार्की र जीवन कामी, डाँका चोरी मुद्धाका मुम्मुमत मियाँ र दिनेश कार्की रहेका छन् । त्यसैगरी सवारी ज्यानमुद्धाका एक जना रहेका छन् ।
