बुटवल, १३ चैत । अर्घाखाँची जिल्लाको शितगंगा नगरपालिका–२ भुवनपाटामा भएको बस दुर्घटनामा परी मृत्यु भएका ब्यक्तिहरुको परिचाहन खुलेको छ ।
मुत्यु हुनेमा नवलपरासी पश्चिम भुमहीकी ४५ बर्षिय उमा न्यौपाने रुपन्देही जिल्लाकी ५५ बर्षिय जमुना बस्याल, नबलपरासी बर्दघाटका ४५ बर्षिय चालक मदनकुमार बिक रहको प्रहरीले जनाएको छ ।
घटनामा एक जना नाम थर नखुलेकी महिलाको पनि मृत्यु भएको छ। दुर्घटनामा परी घाइते भएकामध्ये ७ जनालाई प्राथमिक स्वास्थ्य केन्द्र ठाडामा उपचारपछि बुटबल पठाइएकाे प्रहरी निरीक्षक एवं सूचना अधिकारी विष्णुप्रसाद पौडेलले जानकारी दिनुभयाे।
अर्घाखाँचीबाटबाट नवलपरासीको बर्दघाटतर्फ जाँदै गरेको लु २ ख ३०३ नम्बरको बस भुवनपाटा भन्ने स्थानमा दुर्घटनामा परेको थियो ।
