काठमाडौँ, १५ चैत । छैटौंँ टुबोर्ड राष्ट्रिय रनिङ शिल्ड खुल्ला दोहोरी प्रतियोगीता हुने भएको छ । चैत्र १६ देखि १९ गतेसम्म भृकुटीमण्डप, काठमाडौँमा उक्त प्रतियोगीता हुन लागेको हो ।
उक्त प्रतियोगीता राष्ट्रिय लोक तथा दोहोरीगीत प्रतिष्ठानको आयोजनामा हुन लागेको हो । दोहोरी प्रतियोगीताको उद्घाटन चैत्र १६ गते हुने उक्त प्रतिष्ठानका अध्यक्ष रमेश बि.जी.ले जानकारी दिनुभयो । प्रतियोगीतामा ७० टिमको सहभागिता हुने उहाँको भनाइ छ । उक्त दोहोरी प्रतियोगीता हेर्न आउने दर्शकका लागि निशुल्क प्रवेशको व्यवस्था मिलाएको उहाँले जानकारी दिनुभयो ।
उक्त प्रतियोगीतामा प्रथम स्थान हासिल गर्नेलाई २ लाख २५ हजार नगद, प्रमाण पत्र मेडल र शिल्ड, दोस्रो स्थान हासिल गर्नेलाई १ लाख ५० हजार नगद, प्रमाण पत्र र मेडलर तेस्रो हुनेलाई १ लाख नगद, प्रमाणपत्र र मेडल त्यस्तै सान्त्वना स्थान हासिल गर्नेलाई ५० हजार नगद, प्रमाण पत्र र मेडल दिईने अध्यक्ष बि.जी.को भनाइ छ ।
त्यस्तै उक्त प्रतियोगीतामा सहभागी कलाकारमा उत्कृष्ट २ महिला, २ पुरुषका साथै उत्कृष्ट भेष्मुषा र अनुशासित टिमलाई छनोट गरेर १० हजार नगद, प्रमाण पत्र र मेडल प्रदान गरिने आयोजक टिमले जानकारी दिएको छ ।
