काठमाडौँ, २६ साउन । पत्रकारिता साहित्य र गीत संगीतमा लामो समयदेखि सक्रिय किस्ना आचार्य रोशनीको नयाँ आधुनिक गीत ‘तिम्रो याद’ सार्वजनिक भएको छ । उक्त गीतको भिडियो ओएसआर डिजिटलको युट्युब च्यानलमार्फत सार्वजनिक गरिएको हो ।
मनोजराज सिवाकोटीको स्वर, ज्योति प्रकाशको संगीत र रोशनीको रचना रहेको उक्त गीतको भिडियो मुकेश हुमागाइले खिच्नु भएको हो भने दिपेन्द्र केसीको निर्देशन र प्रविण भट्टको सम्पादन रहेको छ । उक्त भिडियोमा इस्टु कार्की र धिरेन्द्र शाही ठकुरीले अभिनय गर्नुभएकाे छ ।
यसअघि रोशनीको मोफसलमा रहँदै सांगीतिक तथा साहित्यिक सिर्जना यात्रामा रहनु भएकी रोशनीका स्कुले विद्यार्थी जीवनमै ‘संघर्षू गजल संग्रह,’ ‘च्यातिएको मन’ उपन्यास र केही दोहोरी गीत प्रकाशित भइसकेका थिए । त्यसैको निरन्तरतास्वरूप उहाँका दर्जनौँ लोक तथा दोहोरी गीत, मौलिक सालैजो गीत, तीज गीत, दशैं गीत, झ्याउरे गीत प्रकाशित भएका छन् ।
गीत संगीत र साहित्य सिर्जनामा अब्बल रोशनीका केही गीतमा उहाँकै स्वर र अभिनय पनि सुन्न र देख्न सकिन्छ । काठमाडौं आएपछि गीत संगीतका अलावा पत्रकारितालाई पनि आफ्नो कर्म बनाउनु भएकी उहाँले विशेष कला मनोरञ्जन सम्बन्धी लेखनलाई अघि बढाएको बताउनुहुन्छ । उहाँ अनलाइन, छापा, युट्युबमार्फत कला र कलाकारका कुरा प्रकाशित गर्दै पत्रकारितामा सक्रिय रहनुभएकाे छ ।
उहाँका सिर्जनामा रहेका थुप्रै लोकदोहोरी गीतका सिर्जनाले सांगीतिक बजारमा राम्रो चर्चा बटुलेका छ्न् । उहाँले गीत संगीत र पत्रकारिता क्षेत्रमा गरेको उल्लेखनीय कामको उच्च मूल्यांकन गर्दै विभिन्न अवार्ड र सम्मान आयोजक संस्थाले सम्मानित पनि गरेका छन् ।
जसमा सुन्दरादेवी सन्देश म्युजिक अवार्ड सर्वोत्कृष्ट शव्द रचना २०७४, निम अवार्ड युवा पत्रकारिता सम्मान २०७५, उत्कृष्ट मौलिक सिर्जना सम्मान नाट्यश्वर म्युजिक अवार्ड, एपिक नेपाल म्युजिक अवार्ड २०७५ कला पत्रकारिता सम्मान, नेशनल पावर म्युजिक अवार्ड सर्वोत्कृष्ट शब्द रचना २०७६, म्युजिक खबर म्युजिक अवार्ड सर्वोत्कृष्ट शब्द रचना २०७७, पावर इन्टरनेशनल फिल्म फेस्टिवल रंगपत्रकारिता संमान २०७८, योङमाइन्डस् म्युजिक अवार्ड २०७८ रंग पत्रकारिता सम्मान समेत पाएको रोशनीले जानकारी दिनुभयाे ।
