काठमाण्डौं , १७ साउन । ब्रम्हर्षी उपमन्युले रचना गर्नुभएको  शिवस्तोत्र उपमन्यु गोत्रीय ढकालहरुबाट एक कार्यक्रमका बीच सार्वजनिक गरिएको छ । काठमाण्डौं अनामनगरमा सफल ब्यवसायीबन्धु कमल ढकालद्धारा सञ्चालित लेखनकुञ्जको आकर्षकहलमा पौराणीककालका ख्यातिप्राप्त, परमशक्तिशाली, देवाधिदेव भालेनाथ शिवशंकरका परमभक्त ब्रम्हर्षीउपमन्यु द्धारा रचना भएको शिवस्तोत्रलाई शंखध्वनी सहितको संगित भित्र मधुरवाणीमा तयार गरीएको भजन सार्वजनिक गरिएको हो ।

ढकालवंश महासंघको कार्यक्रमका प्रमुख अतिथि पूर्वमन्त्री टंक ढकाल, विशेष अतिथि माननीय सांसद सूर्य ढकाल, विशेष अतिथि अतिरिक्त प्रहरी महानिरिक्षक ९एआईजी० भीमप्रसाद ढकालबाट एक कार्यक्रमका बीच मधुरवाणीमा तयार गरिएको शंखध्वनी सहितको संिगतमय शिवस्तोत्र भजन कार्यक्रमको उद्घाटन भएको हो ।

वंश महासंघका महासचिव नवराज ढकालले संचालन गर्नुभएको महासंघको कार्यक्रममा स्वागत मन्थव्य लेखनकुञ्जका प्रोप्राईटर, सहयोगी प्रियव्यक्तित्व कमल ढकालले गर्नुभएको थियो । महासंघका अध्यक्ष डा।श्यामप्रसाद ढकालको सभापतित्वमा कार्यक्रमको संचालन भएको हो । उद्घाटन कार्यक्रमका प्रमुख अतिथि पुर्वमन्त्री टंक ढकालले संसारमा कुनै पनि वस्तु अप्राप्य हुँदैन र द्धिविधामा पर्नु पनि हुँदैन । ब्रम्हर्षी उपमन्युले एउटै शिवभक्तिको मार्ग जसरी रोज्नुभयो र सफल हुनुभयो त्यसरी नै एउटै निर्दिष्ट मार्ग र बिचारमा अटल रहने प्रयास गरे हरेक कार्यमा सफल हुनसकिन्छ, भन्नुभएको छ ।

वंशमहासंघ सल्लाहकार एवम् सांसद माननीय सुर्य ढकालले उपस्थित सबैमा शुभकामना व्यक्त गर्नुभयो । कार्यक्रमका विशेष अतिथि अतिरिक्त प्रहरी महानिरिक्षक ९एआईजी० भीमप्रसाद ढकालले यो महत्वपूर्ण कार्यक्रलाई आफ्नो मानेर उपस्थित हुनुभएका सबैलाई शुभकामना व्यक्त गर्दै उपमन्युगोत्रिय सबै थरहरुलाई समेटेर अघि बढ्नसके हामीलाई एकताको सूत्रमा जोडेर अझ अघि बढाउँछ । हाम्रो बाह्य जगतकोनक्कल गर्ने परिपार्टीलाई सुधार गर्नुपर्छ, यसले सस्ंकृतिमा असर गर्छ र समाजमा विकृति ल्यााउँछ । समाज निर्माणमा ऋषिमुनिहरुको ज्येष्ठ नागरिकको ठूलो योगदान हुनेभएकाले वहाँहरुलाई सम्मान गर्नुपर्छ । कार्यक्रमका संयोजक एवम् गृह प्रशासन सेवा क्षेत्रका अनुभवी पुर्व प्रमुख जिल्ला अधिकारी तथा पेशागत महासंघ सभापति पुण्यप्रसाद ढकालले हाल उपमन्यु गोत्रमा १४ थर देखिएपनि खोजी गर्दैजाँदा थपिन पनि सक्ला, त्यसैले खोजी गर्नुपर्छ । प्रधानमन्त्रीज्युलाई प्रमुख अतिथि बनाएर कार्यक्रम संचालन गर्ने अठोट गरिएको भएपनि समयले नदिदा पुनः सम्पूर्ण उपमन्यु गोत्रीयहरुसँग सल्लाह समन्वय गरी पुनः कार्यक्रम आयोजना गर्न समय निकाल्नु पर्ने बिचार राख्नुभयो । प्राध्यापक डा।भागवत ढकालले मेहनत र निरन्तरको प्रयासले हामी सबैमा उपमन्यु हुने सामथ्र्य छ । भगवान कृष्ण र मामा कंश द्धापरकालमा सँगै भएपनि शक्तीको निरन्तरको सहि प्रयोगले कृष्ण भगवान हुनुभयो भने शक्तिको निरन्तरको दुरुपयोगले मामा कंश राक्षस हुनुभएको देखिन्छ त्यसैले हामी सबैले सहि काममा अघि बढ्ने प्रयास गर्नुपर्छ । प्राध्यापक डा। बिमल ढकाल र बरिष्ट पत्रकार तथा काठमाण्डु क्षेत्रका प्रत्यासी सांसद उम्मेदवार लोकेश ढकालले पनि मन्तव्य राख्नु भएको थियो ।

स्कन्धपुराण, शिवपुराण, बाशिष्ठग्रन्थ लगायतका पौराणिक ग्रन्थहरु अनुसार श्रृष्टिकर्ता ब्रम्हाजीका मानसपुत्र ब्रम्हर्षि वशिष्ठले सत्ययुगमा अक्षय तृतियाको शुभमुहुर्तमा भोलेबाबा र माता पार्वती बीच बैवाहिक कार्यक्रम सम्पन्न गराएका थिए । ब्रम्हर्षि वशिष्ठ ऋषिका पत्नीहरुमा अरुन्धती, कपिञ्जली, घृताची र व्याघ्रयोनी ४ पत्नीहरुको नाम चर्चामा ँछ । एक पत्नी व्याघ्रयोनीबाट ऋषि व्याघ्रपाद सहित १९ पुत्र पैदा भए । ऋषि व्याघ्रपादका दुई पुत्र रत्नहरुमा दाज्यु ब्रम्हर्षि उपमन्यु र भाई धौम्य थिए । ऋषि व्याघ्रपाद भगवान श्री कृष्णका गुरु थिए भने ऋषि धौम्य पाण्डवहरुका पुरोहित थिए । ब्रम्हर्षि वशिष्ठ कुलमा “शक्ती” ऋषिका पुत्र पराशर ऋषि र सत्यवती ९मत्स्यगंधा०का पुत्र श्रीकृष्णद्धैपायन ९व्यास० लाई महाभारतमा उल्लेख गरिएको पाइन्छ । यी बिभिन्न कोणबाट बिश्लेषण गर्दा ऋषि पराशर र ब्रम्हर्षि उपमन्युहरु, आफन्त सहित ब्रम्हर्षि वशिष्ठ कुलमा समकालिन देखिन्छन् । महाभारतको अनुशासन पर्वमा उल्लेख भएअनुसार एकदिन भगवान श्रीकृष्ण उपमन्यु आश्रममा पुग्नुभयो र वाँहा उपमन्युलाई “हे ब्रम्हर्षि” भनि सम्बोधन गर्नुभयो भनिएको छ, जसअनुसार ऋषिहरुको बर्गीकरणमा उपमन्यु ब्रम्हर्षि भएको कुरालाई पुष्टि गर्दछ ।

उपमन्युका पिता ब्याघ्रपादले सन्तानलाई बाल्यावस्थामै छाडेर सन््यासाश्रम ग्रहण गरेकाले माता यशोवतीका काँधमा यिनको लालन–पालनको जिम्मा आइप¥्यो । घरमा अभावले कहिल्यै नछाडेकाले केही राहत होला की १ भनि दुईवटै छोरालाई च्यापेर लामो समय माईतमा गुजारिन्, तर यिनको दुःखमा माइती घर सहयोगी बन्न सकेन । उपमन्युले त्यो दःखको सागररुपि जीवनलाई सहज गराउन कठोरपूर्वक शिवस्तुति ९तपस्या०गरे । देवाधीदेव भोलेनाथबाट शिवपुत्रकै बराबरको आशिर्वाद प्राप्त गर्नसके । दुःख र मेहनतको अर्को नाम ब्रम्र्हिष उपमन्यु भन्न सकिन्छ, प्रेरणा लिनसकिन्छ र उपमन्यु गोत्रीय हामीले आफुलाई भाग्यशाल मान्न सकिन्छ ।

वंशमहासंघको कार्यक्रममा उपाध्यक्ष विश्वनाथ ढकाल, उपाध्यक्ष कृष्ण ढकाल, अछाम कमलबजार नपा। मेयर यज्ञप्रसाद ढकाल, राजेन्द्र ढकाल, वंश महासंघ प्रकाशन प्रमुख एवम् ईहिासविद् साथै संचारकर्मी कृष्णप्रसाद ढकाल, कमल ढकाल, सुदिप ढकाल, वासुदेव ढकाल, हरिविष्णु ढकाल, भूपाल ढकाल, डा।प्रकाश ढकाल, कोपिला ढकाल, शान्ति ढकाल, देवराव ढकाल, प्रदिप ढकाल, बाबुराम ढकाल, ऋषिराम ढकाल, सन्तोषराज ढकाल, निर्मला ढकाल,विष्णुदेवी ढकाल, गोविन्दप्रसाद ढकाल, महेश ढकाल, हरी ढकाल, देवराज विडारी, तुलसीराम ढकाल, ढाकाराम ढकाल, अर्जुनप्रसाद ढकाल लगायतले वंश महासंघको कार्यक्रममा सहभागीता जनाउनु भएको थियो ।