क्रान्ति अर्याल
भदौ २७ स्याङजा । पोखरा महानगरपालिका बगालेटोलमा आफ्नै श्रीमानले श्रीमतीलाई खुकुरी प्रहार गरी विभत्स हत्या गरेका छन् ।
स्याङ्जा जिल्ला नागडाँडा माइतीघर भएकी अन्दाजी ३६ वर्षकी राधिका कुँवरलाई आफ्नै श्रीमान जग्गरसिंह कुँवरले घरायसी झगडाको सामान्य निउमा खुकुरी प्रहार गरी विभत्स हत्या गरेका हुन् । बुधबार दिउँसो घरायसी झगडाको सामान्य निउमा कुँवरले आफूहरू बस्ने कोठाभित्रै काम गरिरहेकी राधिकालाई खुकुरी प्रहार गरेका हुन् ।
श्रीमान् जग्गरसिंह कुवरलाई प्रहरीले बुधबार नै पक्राउ गरेको छ । विगत तीन वर्षदेखि पोखरा बगाले टोलमा भाडाको घरमा बस्दै आएका राधिका र उनका श्रीमानको एक सन्तान पनि रहेका छन् ।
