काठमाडौं, ३० मंसिर । नेकपा एसको स्थायी कमिटी बैठकमा आज पदाधिकारी तथा सदस्यहरुको बोल्ने क्रम सकिने र बाँकी कार्यसूचीमा भोलि प्रवेश गरिने भएको छ ।
महासचिव घनश्याम भुसालले बताएअनुसार आज साँझ ५ बजेसम्म बैठक जारी हुनेछ । ‘बोल्ने क्रम सकिएपछि अरु काम भोलि गर्छौं’, उनले भने ।
भोलिको बैठकमा कार्ययोजना तथा पदाधिकारी तथा केन्द्रीय सदस्यको कार्यविभाजन पहिलो सूचीमा राखिने भुसालले बताए ।
त्यसबाहेक आन्दोलनसम्बन्धी एजेण्डामा छलफल गर्न बाँकी छ । भोलिकै बैठकमा विधान संशोधनको काम पनि सकिने भुसालले बताए ।
बैठक पार्टीको केन्द्रीय कार्यालय आलोकनगरमा जारी छ ।
