पूजा खड्का
स्याङ्जा, ५ पुस । भिरकोट नगरपालिका वडा नम्बर १ भलूवा डाडा मा विद्युत सट भएर आगलागी हुँदा अन्दाजी १५ लाख को क्षति भएको छ। बिहिबार साझ ६:३० बजे ८१ वर्षिय बेल बहादुर श्रेष्ठको ढुङ्गा माटोले बनेको जस्ताको पाताले छाएको दुई तले कच्ची घर र एक कच्ची गोठमा आगलागी भएको हो। जसमा राखिएको एक लाख तीस हजार नगद रुपैया, सात तोला सुन र लत्ता कपडा सामग्री जलेर नष्ट भएको जिल्ला प्रहरी कार्यालय स्याङ्जाका सूचना अधिकारी उमेशलाल श्रेष्ठले जानकारी दिनु भयो।

त्यसै क्रममा आगलागी नियन्त्रण गर्न जादा ५० वर्षिय कोट बहादुर मगरको टाउकोमा चोट लागि उपचार पश्चात डिस्चार्ज गरिएको सूचना अधिकारी श्रेष्ठले बताउनुभयो।