पूजा खड्का
स्याङ्जा, १५ माघ । चापाकोट नगरपालिका ९ मा अवस्थित गंगालाल माध्यमिक विद्यालयको स्वर्ण जयंतीको समुदघाटन कार्यक्रम सोमबार लोक गायक रामजी खाँणको प्रस्तुति रहेको थियाे। कार्यक्रममा लोक गायक रामजी खाँडले गीतहरू गाएर अतिथि अभिभावक विद्यार्थी हरुलाई मनोरञ्जन गराउँदै कार्यक्रम भब्य रुपमा सम्पन्न भएको हो। कार्यक्रममा लोक गायक खाण ले गीत गाएर माहोल तातेको थियो भने विद्यार्थी अभिभाबक हरु उहाले गाएको गीत सँगै गाउँदै नाच्दै संगीतमय बाताबरण मा झुम्दै विद्यालय वरिपरिको बाताबरण उल्लासमय बनेको थियो। साथमा अतिथि अभिभाबक विद्यार्थी हरु मनोरञ्जन सहित नाच गान गरेर रमाइलो गरिरहेका थिए।
कार्यक्रममा खाणले लोक प्रिय गीतहरू बन्दीपुरे सोल्टिनी, तिम्रो त बोलीमा मन्तर मोहिनी, डाली नुग्यो चरीले टेकेर टाढाको बाटो म धाउदै आको मायालाई देखेर भन्ने लोकप्रिय गीत प्रस्तुत गर्दै माहोल तातिएको थियो। त्यसै गरी कहा गयो जुरेली चरी लगायत विविध गीतहरु संगै बाकी सहभागी कलाकार हरुले गीत गाएर रमाइलो माहोल बनाउनुभएको थियो।
नेपाली कांग्रेसका पूर्व उपप्रधानमन्त्री एबम् शिक्षा मन्त्री गोपालमान श्रेष्ठको प्रमुख आतिथ्यतामा समुदघाटन कार्यक्रम भएको हो। कार्यक्रममा बोल्दै उहाले देश विकासका लागि दुई ठूला दलबीच सात बुँदे सहमति सहित अघि बढेको गठबंधन प्रक्रिया लाई निरन्तरता दिन सबै मिल्नुपर्ने बताउनुभयो।
उहाले आफू शिक्षा मन्त्री हुँदा नमुना विद्यालय बनाउन पहल गरेको बताउँदै गंगा लाल मा बि मा दुई भवन अधुरो रहेकोमा चिन्ता व्यक्त गर्दै सम्पन्न गर्न आफूले सक्दो प्रयास गर्ने बताउनुभयो। उहाले स्तम्भमा नाम राख्ने विषयमा अलमल नगरी अघि बढ्न आग्रह गर्दै विद्यालयको गुणस्तरमा जोड दिन सुझाब गर्नुभयो।
कार्यक्रममा गण्डकी प्रदेश सांसद महेश भट्टराई, गण्डकि प्रदेश सांसद सुनिता थापा, पूर्व गण्डकि प्रदेश सदस्य भागवत प्रकाश मल्ल, चापाकोट नगर प्रमुख देव बहादुर खाण, बौद्धिक व्यक्तित्वहरू , विविध संस्थामा आबद्द विद्यालयलाई सहयोग पुर्याउने स्थानीय बुद्धिजीवीहरु, अभिभावक शिक्षक विद्यार्थी लगायत सर्वसाधारणको उल्लेखनीय सहभागिता रहेको थियो।
