स्याङ्जा, १६ जेठ । स्याङ्जाको पुतलीबजार नगरपालिका ३ मजुवास्थित चुनी कुमारी मल्लको डेरा कोठाबाट मोबाइल चोरी गरेको आरोपमा पोखराबाट शुक्रबार दुई जना पक्राउ परेका छन् ।
पक्राउ पर्नेहरुमा आधिँखोला गाउँपालिका ५ चिलाउने भाटी स्थायी घर भएका २१ वर्षीय पवन परियार र अर्जुनचौपारी गाउँपालिका ४ स्थायी घर भएका शाहिल गुरुङ रहेका जिल्ला प्रहरी कार्यालय स्याङ्जाका सुचना अधिकारी प्रशन्न राज चाैधरीले जानकारी दिनुभयाे ।
दुवै जना हाल कास्की पोखरा महानगरपालिका ४ मालेपाटन बस्ने गरेको प्रहरीले जनाएको छ ।
प्रहरीले स्याङ्जा जिल्ला अदालतबाट ९ दिनको म्याद थप अनुमति लिई चोरी मुद्धामा थप अनुसन्धान कार्य भइरहेको जिल्ला प्रहरी कार्यालय स्याङ्जाका सुचना अधिकारी चाैधरी बताउनुभएकाे छ ।
