पूजा खड्का
स्याङजा, १५ साउन । पुतलीबजार नगरपालिका ६ काउले बस्ने २२ वर्षिय तोरण परियारलाई चोरी अभियुक्त भन्दै प्रहरीले पक्राउ गरेको छ।
पुतलीबजार नगरपलिका वडा नम्बर ६ टक्सार काउले स्थित नर बहादुर गुरुङ्गको किराना पसल बाट रियल गोल्ड बियर १७ बोतल, सोफी रक्सी १ कार्टुन, विभिन्न कम्पनीका चुरोट ९ प्याकेट,चाउचाउ २० प्याकेट र ५ केजी कुखुराको मासु चोरी भएको भन्ने सूचनाको आधारमा अनुसन्धान गर्दै जादा जिल्ला स्याङ्जा पुतलीबजार नगरपलिका वडा नम्बर ६ बाट तोरण परियार लाई पक्राउ गरी नकवजनी चोरी मुद्धामा बिहीबार जिल्ला अदालत बाट ७ दिन म्याद थप अनुमति लिई थप अनुसन्धान कार्य भई रहेको जिल्ला प्रहरी कार्यालय स्याङ्जाका सूचना अधिकारी तथा प्रहरी नायब उपरीक्षक प्रसन्न राज चौधरीले जानकारी दिनुभयो।
