पूजा खड्का
स्याङ्जा, १८ साउन । स्याङ्जाको आँधिखोला गाउँपालिकामा सुन नगद चोरी भएको भनी झुट्टो निवेदन दिने दुई जना पक्राउ परेका छन् ।
पक्राउ पर्नेमा आँधिखोला गाउँपालिका १ हिले बस्ने ४१ वर्षीय चन्द्र कुमारी गुरुङ र सोही ठाउँ बस्ने ३८ वर्षीय धनराज गुरुङ रहेको जिल्ला प्रहरी कार्यालयका सूचना अधिकारी प्रसन्न राज चौधरीले जानकारी दिनुभयो।
साउन १२ गते बेलुकीको समयमा आफ्नै घरबाट ७.५ तोला सुनका गर गहनाहरु र नगद चार हजार चोरी भएको भनी प्रहरीलाइ निवेदन दिएका थिए ।
घटनाको अनुसन्धान गर्दै जाँदा चोरी भएको भनिएको गरगहना र नगद दुबैकाे मिलिमतोमा लुकाई छिपाई राखेको अवस्थामा प्रहरीले बरामद गरेको थियो ।
प्रहरीको अनुसन्धान पश्चात उनीहरुले झुट्टा निवेदन दिएको खुल्न आयो ।
