स्याङ्जा, २१ साउन । गायक पशुपति शर्मा चडेकाे कार स्याङ्जाको भीरकोट नगरपालिका–२ मा दुर्घटना भएको छ । बुधबार दिउँसो सिद्धार्थ राजमार्गअन्तर्गत स्याङ्जाको भीरकोट नगरपालिका–२ मा कार दुर्घटना भएको हो ।
पोखराबाट वालिङ जाँदै गरेको ग १ च ४१७१ नम्बरको कार अनियन्त्रित भएर कल्भर्टमा ठोक्किएको जिल्ला प्रहरी कार्यालय स्याङ्जाका डीएसपी बाबुराम न्यौपाने बताउनुभयाे।
कारमा सवार ४ जनालाई ठूलो चोट नलागेको डीएसपी न्यौपानेले बताउनुभयाे । गायक शर्माको देब्रे हातको कान्छी औंला भाँचिएको छ । कारमा सामान्य क्षति पुगेको छ ।
गायक शर्मा सांगीतिक कार्यक्रमको लागि स्याङ्जा जानुभयाे ।
