काठमाडौ,२१ असार । उपप्रधान एवं अर्थमन्त्री विष्णुप्रसाद पौडेलले मुलुकको समृद्धिका लागि पर्यटन क्षेत्र शक्तिशाली बिकल्प भएको बताउनुभएको छ ।
शनिबार काठमाडौंमा आयोजित पर्यटनमा बजेट प्रथमिकता, कार्यान्वयन र उपलब्धी बिषयक कार्यक्रममा पौडेलले मुलुकको समृद्धिका लागि धेरै बिकल्प भएपछि त्यसमध्ये पर्यटन क्षेत्र शक्तिशाली बिकल्प भएको बताउनुभएको हो ।
पर्यटनका सम्भावनालाई कार्यान्वयन गर्न देशभित्रका साथै देशबाहिरको लगानीलाई आमन्त्रण गर्नुपर्ने उहाले बताउनुभयो । पौडेलले पर्यटन क्षेत्रमा राज्यकातर्फबाट मात्रै गर्ने लगानीले नपुग्ने उल्लेख गर्नुभयो । बजेट निर्माण गर्दा पनि लगानी भित्राउने र त्यसका लागि सहज वातावरण बनाउन ध्यान केन्द्रीत गरेको उहाले बताउनुभयो ।
पौडेलले राजनीतिक स्थायीत्व कायम गर्दै मुलुकको बिकास गर्नुपर्ने धारणा राख्नुभयो ।
