स्याङ्जा, १२ मङ्सिर । लागुऔषध हिरोइन मुद्धामा संलग्न रही चार वर्षदेखि फरार व्यक्तिलाई अाज पक्राउ गरेको छ ।
पक्राउ पर्नेमा फेदीखोला गाउँपालिका २ उपल्लो कुँडुले बस्ने ४४ वर्षीय रेशम थापा मगर रहेको जिल्ला प्रहरी कार्यालय स्याङ्जाका सुचना अधिकारी प्रहरी नायव उपरीक्षक ईन्द्र बहादुर रानाले जानकारी दिनुभयो ।
लागुऔषध (ब्राउन सुगर) हिरोईन मुद्धामा स्याङ्जा जिल्ला अदालतले २०७६ असार १ गतेको फैसला अनुसार थापालाई ५ वर्ष कैद र दश हजार जरिवाना तोकिएको थियो ।
प्रहरीले गोप्य सुचनाको आधारमा लुकिछिपि बसेको अवस्थामा फेदिखोलाबाट मङ्गलबार पक्राउ गरेको हो ।
थापालाई स्याङ्जा जिल्ला अदालतमा पेश गरी निजलाई कैद भुक्तानको लागि जिल्ला कारागार स्याङ्जा पठाएको प्रहरीले बताएको छ ।