संगम भण्डारी
स्याङ्जा,२३ माघ । कृषि प्रधान देशमा कृृषि प्राविधिक उत्पादन गर्ने स्याङ्जाकाे गल्याङ नगरपालिकामा रहेकाे एक मात्र प्राविधिक शिक्षालयमा विद्यार्थीको अभाब भएकाे छ ।
गल्याङ नगरपालिका १ मालुङ्गा सार्वजनिक मा.वि. काे मातहतमा रहेको कृषि प्राविधिक शिक्षालयमा पछिल्लो समय विद्यार्थीको अहभाव हुँदै गएको हाे । पछिल्लो समय पलायन हुँदै गएका युवा जनशक्तिलाई रोक्नको लागि देशमै उपयोगी हुने सीपको विकास गर्ने उदेश्यले नगरपालिका स्थापना भए संगै २०७५ सालमा सुरु गरिएको कृषि प्राविधिक शिक्षालयामा पछिल्लो समय विद्यार्थीहरुको अभाव हुँदै गएको हो ।
एस इ इ पास गरेपछि पढ्न पाइने प्राविधिक शिक्षा ३ वर्ष पढेपछि १२ पासको मान्यता सहित कृषि प्राविधिक बन्न सकिने उक्त शिक्षालयमा पछिल्लो समय विद्यार्थीकाे अभावका हुँदै गएको हाे । एक तिर युवाकाे बढ्दै गएकाे वैदेशिक मोह र अर्कोतिर ३ वर्षमा पढ्न लाग्ने शुल्कले पनि विद्यार्थीहरुको यस प्रति रुचि घट्दै गएको सराेकारवालाहरूकाे भनाइ छ । नगरपालिकाकाे गौरवशालि शिक्षालय भए पनि उक्त शिक्षालयमा विद्यार्थीको संख्या न्यून हुँदै गएको हाे ।
हाल ३९ जना विद्यार्थी रहेको प्राविधिक शिक्षालयमा मुगु, बाजुरा, म्याग्दी, पर्वत लगायतका जिल्लाबाट विद्यार्थी पढ्नको लागी आउने गरेको छन् ।
नगरपालिकाकाे केही आर्थिक सहयोगमा प्राविधिक स्कूल सञ्चालन भए पनि पछिल्लो समय यस शिक्षालयमा विद्यार्थीको संख्या निकै ओरालो लागेकाे स्कूलका प्रधानध्यापक चुरामडी पाण्डेले हेर्नेकुरा डटकम लाइ जानकारी दिनुभयाे । उहाँले भन्नुभयो ‘तीन बर्षिया कोर्स गर्नकै लागि करिब एक लाख बीस हजार रकम लाग्ने गर्दछ । यत्रो रकम तिरेर पढ्न इच्छा नदेखाएको हुँदा विद्यार्थी हरुको संख्या घट्दै गएको हुनसक्छ ।’ नागरिकलाई देशको आवश्यक अनुसारकाे सीप प्रदान गर्ने शिक्षालयमा नै विद्यार्थीहरुको सहभागिता निकै कम रहेको पाइएकाे हाे ।
सोही स्कूलमा तेस्रो वर्षमा अध्यनरत माधव भण्डारीले पढाइ देश उपयोगी रहेको हेर्नेकुरा डट कम लाई जनाकारी दिनुभयाे । यो पढाइ सकिँदा सटिफिकेट सहित सीप पनि हासिल हुने हुँदा देश मै केही गर्छु भन्ने युवाहरुकाे लागि याे पढाइ उपयोगी रहेको उहाँकाे धारणा छ ।
नगरका युवाहरुलाई सीप मुखी बनाउन थालिएको हो अभियान पछिल्लो समय धरासायी हुँदै गएको छ । देशको आवश्यकता अनुसारकाे सीप सहितकाे युवा जनशक्ति तयार गर्ने कृषि प्राविधिक शिक्षालय बन्द हुन नदिन बेलैमा सम्बन्धित सरोकारवालाहरुकाे ध्यान जान जरुरी छ ।
