स्याङ्जा,५ भदौ । अविरल वर्षाले सिद्धार्थ राजमार्ग अवरुद्ध भएको छ । स्याङ्जा सडक खण्डअन्तर्गत वालिङ नगरपालिका–८ मा पहिरोका कारण राजमार्ग अवरुद्ध भएको हो ।
बिहानैबाट अवरुद्ध भएको राजमार्ग सूचारु गराउने प्रयास भइरहेको जिल्ला प्रहरी कार्यालय स्याङ्जाका सूचना अधिकारी उमेशलाल श्रेष्ठले जानकारी दिनुभयो । बिहानैबाट सडक अवरुद्ध हुँदा सवारी साधन बाटोमा नै रोकिएका छन् ।
यसअघि मङ्गलबार साँझ गल्याङमा सडकमा रुख ढलेर अवरुद्ध भएको सडक दुई तर्फ सूचारु भइसकेको श्रेष्ठको भनाइ छ । यसैबिच अविरल वर्षाका कारण जिल्लाका प्राय सवै गामीण सडकहरु अवरुद्ध भएको प्रहरीले जनाएको छ ।
