संगम भण्डारी
स्याङ्जा ,६ भदौ । स्याङ्जाको गल्याङ नगरपालिकामा इतिहासकै पहिलो गल्याङ प्रिमियर लिग क्रिकेट संघलाई नेपाली कांग्रेसका महामन्त्री गगनकुमार थापाले शुभकामना दिनुभएको छ। उहाँले आफ्नो फेसबुक मार्फत गल्याङ क्रिकेट सङ्घलाई शुभकामना दिनुभएको हो ।

उहाँले सामाजिक सञ्जाल मार्फत क्रिकेटको क्रेज यसरी स्थानीय स्तरसम्म विस्तार भएको देख्दा खुसी लागेको बताउनुभएको छ।

उहाँले गल्याङ नगरप्रमुख गुरुप्रसाद भट्टराई तथा खेलप्रेमी खगेन्द्र भण्डारी, ठगेन्द्र थापा, अमृत खनाल, सन्तोष भण्डारी लगायतले गरेको प्रयासलाई नमन गर्नुभएको छ।

गल्याङ नगरपालिका स्याङ्जामा गल्याङ नगरपालिका क्रिकेट सङ्घको आयोजनामा अन्तर्राष्ट्रिय फर्म्याटमै आयोजना गरिएको गल्याङ प्रिमियर लिग क्रिकेट प्रतियोगिता (GPL)को पूर्ण सफलताको शुभकामना दिनुभएको छ।