काठमाडौं ,७ भदौ । तनहुँको आबुखैरेनी स्थित मस्याङ्दी नदीमा बस खसेको छ ।
आँबुखैरेनी गाउँपालिका वडा नम्बर–२ स्थित ऐना पहराबाट मर्स्याङ्दी बस खसेको तनहुँका एसपी वीरेन्द्र शाहीले बताउनुभयाे।
इलाका प्रहरी कार्यालय आबुखैरेनीका इन्स्पेक्टर घटनास्थलमा पुगेका छन् । एसपी शाहीले भन्नुभयाे, ‘म घटनास्थलमा जाँदै छु, सेना र सशस्त्रलाई खबर गरिएको छ ।’
पोखराबाट काठमाडौँ जाँदै गरेको युपी ५३ एफटी ७६२३ नम्बरको बस दुर्घटनामा परेको तनहुँका डीएसपी दीपककुमार रायले बताउनुभयाे । बसमा ४० जना जति यात्रु रहेको उहाँको भनाई छ ।
