धनकुटा, ८ भाद्र । धनकुटाको साँगुरीगढी ६ मुक्तेनमा गए राति पिकअप गाडी दुर्घटनामा एक जनाको मृत्यु भएको छ । तीन जना घाइते भएका छन् ।
मृत्यु हुनेमा साँगुरीगढी ६ का ३८ वर्षीय निरबहादुर मगर रहेको प्रहरीले जनाएको छ । मगरको घटनास्थलमा नै मृत्यु भएको जनाईएको छ । मुक्तेनबाट नाम्जेतर्फ जाँदै गरेको को.२ च ११०५ नम्बरको पिकअप शुक्रबार राति ९:१५ बजे दुर्घटनामा परेको प्रहरीको भनाई छ ।
पिकअपमा सवार ३४ वर्षीय राजकुमार मगर, ३९ वर्षीया मिना मगर र उनकी ६ वर्षीया छोरी श्रेया मगर घाइते भएका छन् । घाइतेहरुको उपचार धरानस्थित वीपी कोइराला स्वास्थ्य विज्ञान प्रतिष्ठानमा भइरहेको छ ।
