चितवन,९ भदौ । मुग्लिङ नारायणगढ सडक खण्डको भरतपुर महानगरपालिका २९ मा पर्ने घुमाउनेमा यात्रुवाहक बस अनियन्त्रित भएर दुर्घटना हुँदा १२ जना घाइते भएका छन् ।
महेन्द्रनगरबाट काठमाडौँ जाँदै गरेको सुप्रप्र ०२-००१ नम्बरको यात्रुवाहक बस आफै अनियन्त्रित भई दुर्घटना भएको चितवन प्रहरीका प्रवक्ता डिएसपी भेषराज रिजालले जानकारी दिएका छन् ।
उनका अनुसार आज बिहान सवा ७ बजे दुर्घटना हुँदा सडकको दाहिनेतर्फ रहेको डिभाइडरमा ठोकिएर घाइते भएका १२ जनालाई थप उपचारको लागि भरतपुर ल्याइएको छ । भने सडक एकतर्फी रुपमा सञ्चालनमा आएको छ ।
