युबराज सुबेदी
स्याङ्जा, ११ कार्तिक । गल्याङ नगरपालिका वडा न.६ पातिखर्कमा मगर समाज पातिखर्कको आयोजनामा आज देखि पुरुष भलिबल प्रतियोगिता सुरु भएको छ। प्रतियोगिता आज ११ गते बाट सुरु भएर १५ गते सम्म रहनेछ भने, गल्याङ ४,५,६ को क्ल्ब स्तरीय प्रतियोगिता रहनेछ।
कार्यक्रमको अध्यक्षता उत्तम थापाले गर्नुभएको थियो । भने कार्यक्रमको प्रमुख अतिथीमा गल्याङ नगरपालिका उपमेयर हेमा न्यौपाने तिमिल्सिनाले गर्नु भएको थियो। कार्यक्रममा नेपाली काङ्ग्रेस गल्याङ ७ का क्षेत्रीय प्रतिनिधि गंगा भण्डारी,तुलसा भण्डारी साथै गल्याङ बहुमुखी क्याम्पसका स्वबियु सभापति विशाल थापा मगर, स्वबियु सदस्य गणेश अधिकारि,नेपाली काङ्ग्रेस गल्याङ ६ का वडा सचीव गोपाल सुबेदी ,दिनेस चापागाइ लगाएतको उपस्थिति रहेको थियो।
कार्यक्रममा देबेन्द्र थापा मगरले स्वागत मन्तव्य राख्नुभएको थियो । साथै गोपाल सुबेदी गणेश अधिकारीले आफ्नो मन्तव्य राख्नु भएको थियो।
कार्यक्रममा बोल्दै,गल्याङ नगरपालिका उपप्रमुख हेमा न्यौपाने तिमिल्सिनाले स्वास्थ्यका लागि खेलकुद रास्ट्रका खेलकुद भन्दै युवालाई खेलकुदमा आकर्षित पार्नु भएको थियो। पातिखर्क खेलकुदले मात्र नभइ सुन्तलाले पनि पातिखर्कको लागि छुट्टै पहिचान गरेको बताउनु भयो। हालै मात्र पातिखर्कको बाटोको स्तरोन्नतिको लागि प्रदेश सरकार बाट दस लाख रुपैयाँ बिनियोजित भएको पनि बताउनु भयो।
