काठमाडौं,२१ कात्तिक। बागलुङको निसीखोला गाउँपालिका-६मा बस दुर्घटना हुँदा २१ जना घाइते भएका छन् ।
बुधबार दिउँसो साढे ४ बजेतिर रूकुम पुर्वबाट काठमाडौं आउँदै गरेको ना ८ ख ८४१४ नम्बरको बस निसिखोला-६को जाउलेपानीमा बस दुर्घटना भएको गण्डकी प्रदेश प्रहरी कार्यालय पोखराका प्रहरी नायव उपरीक्षक (डीएसपी) दीपक बहादुर केसीले बताउनुभयाे ।
डीएसपी केसीका अनुसार बस दुर्घटनामा घाइतेमध्ये ४ जना माध्यम र अरू सामान्य घाइते भएका छन् ।
