भवानी अधिकारी
स्याङ्जा , ४ मंसिर । आइसीसी महिला यू १९ विश्वकपका लागि छनौट पुतलीबजार नगरपालिकाका ३ खेलाडीलाई पुतलीबजार नगरपालिकाले ३ खेलाडीलाई जनही ३३ हजार ३३३ रुपैया नगद सहित सम्मानित गर्ने भएको छ ।
यू १९ महिला राष्ट्रिय क्रिकेट समूहमा पुतलीबजार नगरपालिकाबाट प्रतिनिधित्व गर्न सफल ३ जना खेलाडीलाई पुस महिनामा हुने १६ औ नगरसभामा सम्मान गर्नेगरी निर्णय भएको हो ।
आउदो जनवरी १८ देखि फेबु्रअरी २ सम्म मलेसियामा हुने विश्वकप खेल्ने अवसर पाएका स्याङ्जामा तीन महिला क्रिकेट खेलाडीलाई पुतलीबजारले आउदो नगरसभामा नगद सहित सम्मान गर्ने निर्णय भएको नगरप्रमुख तुलसीराम रेग्मीले जानकारी दिनुभयो ।
अन्र्तराष्ट्रिय स्तरको प्रतिस्पर्धामा स्याङ्जाको पनि पुतलीबजार नगरपालिकाबाट प्रतिनिधित्व गर्दे उपाधी जितेर जिल्ला सहित नगरको पहिचान बनाएकोमा नगरप्रमुख रेग्मीले खुशी ब्यक्त गर्नुभयो ।
कात्तिक १९ गतेबाट २९ सम्म युएईमा भएको यु–१९ विश्वकपका छनोटमा उपाधि विजेता मध्ये पुतलीबजार नगरपालिका १ का ज्योत्सिना मरासिनी, १३ का सिमाना केसी र कुसुम गोदारलाई सम्मान गरिने भएको हो ।
उपाधि जितेका महिला क्रिकेट खेलाडीको हौसला बढाउन बिभिन्न पालिका, संघसंस्था लगायतले सम्मानको आयोजनाको घोषणा एवं सम्मान गर्दै आएका छन् ।
