पूजा खड्का
स्याङ्जा, ८ मंसिर । पुतलीबजार नगरपालिकामा नेपाली कांग्रेसले आई सी सी यु १९ विश्व कपमा छनोट भएका महिला क्रिकेट खेलाडीलाई सम्मान गर्ने भएको छ।
शनिबार दिउँसो २ बजे पार्टी कार्यालयमा आई सी सी यु १९ विश्व कपमा लागि छनोट खेलाडीलाई सम्मान गर्ने भएको हो।
कार्यक्रममा आई सी सी यु १९ विश्व कपमा लागि छनोट भई नेपालको नाम संसार भरि परिचित गराउन सफल भएको भन्दै सम्मान कार्यक्रम राखिएको पुतली बजार नेपाली कांग्रेस का नगर सभापति सुरज अधिकारीले जानकारी दिनुभयो।
कार्यक्रम पुतलीबजार १ का ज्योत्सिका मरासिनी र पुतली बजार १३ का सिमाना केसि र कुसुम गोदारलाई जनही १५/१५ हजार नगद सहित दोसल्ला ओडाएर प्रमाण पत्रले सम्मान गर्ने नगर पार्टी सभापति अधिकारीले जानकारी गराउनुभयो। त्यसै गरी स्याङ्जा जिल्ला क्रिकेट संघलाई १० हजार नगद सहित सम्मान गर्ने जानकारी पनि अधिकारीले गराउनु भयो।
