पूजा खड्का
स्याङ्जा, १६ माघ । नेपाली काँग्रेसको सय दिने विशेष अभियान अन्तर्गत पुतलीबजार नगरपालिका वडा नं. १४ लामागे मा वडा स्तरीय कार्यक्रम मंगलबार सम्पन्न भएको छ। कार्यक्रम नेपाली काङ्रेस का महासमिति सदस्य तुलसी गिरीको प्रमुख आथित्यतामा सम्पन्न भएको हो।
कार्यक्रममा बोल्दै उहाले अवका दिनमा जनप्रतिनिधिले पार्टीका बिचमा संयन्त्र निर्माण गरि काम गर्नुपर्ने बताउनुभयो। त्यसैगरी उहाँले जनप्रतिनिधिले पार्टी संगको समन्वयमा योजना र निति ल्याउनु पर्ने र पारदर्शी तवरमा जनताले महसुस गर्ने गरी कार्य गर्दै जानु पर्ने र जन आवश्यकता हेरी योजनालाई निरन्तरता दिनुपर्ने विषयमा जोड दिनुभयो।
कार्यक्रममा नेका पूर्व सभापति तथा जिल्ला समन्वय समिति स्याङ्जाका प्रमुख श्रीप्रसाद जिटी, नेपाली कांग्रेसका प्रवक्ता तथा अभियानका संयोजक भरतप्रसाद लम्साल, क्षेत्रीय सभापति तथा पुतलीबजार नगर प्रमुख तुलसीराम रेग्मी, नेपाली काँग्रेस गण्डकी प्रदेश सदस्य कुमबहादुर गुरूङ, नेका महासमिति सदस्य तथा उप(प्रमुख देवी अर्याल, महाअधिवेशन प्रतिनिधि तथा जिल्ला प्रतिनिधि प्रेमराज पौडेल, जिल्ला सदस्य मोहम्मद हुसेन, क्षेत्रीय सचिव सुर्य प्रसाद शर्मा, नेपाली काँग्रेस पुतलीबजारका सभापति सुरजकुमार अधिकारी, स्याङ्जा तरूण दलका कार्यबाहक सभापति रबिन केसी, मुस्लिम नेता सहिद अली, वडा अध्यक्ष जितेन्द्र मल्ल, वडा सदस्य मुवारक मियाँले शुभकामना मन्तव्य राख्नुभएको थियो ।
पुतलीबजार वडा नम्बर १४ का नेपाली कांग्रेस का पार्टी सभापति राजेन्द्रकुमार भण्डारी को अध्यक्षता मा सम्पन्न भएको उक्त कार्यक्रम को संचालन नेका पुतलीबजार सहसचिव प्रकाश पौडेल ले गर्नुभएको थियो भने स्वागत मन्तव्य नेका सहसचिव ध्रुव बन्धु पौडेलले गर्नुभएको थियो ।
अन्तरक्रिया कार्यक्रममा स्थानिय ईश्वरीप्रसाद ढकाल, भरत गिरी, भुपेन्द्र पौडेल, तिलकराम भण्डारी, अग्निप्रसाद भण्डारी, देवीप्रसाद ढकाल, कौशिला पौडेल, गोविन्द प्रसाद भण्डारी र बिश्व जि.टी. विश्वस्वर गिरी लगायत पार्टी प्रति चिन्तन गर्ने स्थानिय बुद्धिजीवी सर्वसाधारणको उल्लेखनीय सहभागीता थियो ।
नेपाली कांग्रेसको विशेष अभियान अन्तर्गत बुधबार पुतलीबजार वडा नम्बर १ मा समापन हुने जानकारी पुतलीबजार नगर नेपाली कांग्रेसका सभापति सुरजकुमार अधिकारीले जानकारी गराउँदै सहभागीताको लागि सबै जनालाई अनुरोध समेत गर्नुभएको छ।
